Sonte nis edicioni i 13-të i PriFest

Sot (e martë) me fillim nga ora 19:00 do të hapet edicioni i 13-të i Festivalit të Filmit me metrazh të gjatë “PriFest”.

Ceremonia e hapjes do të mbahet në ora 20:00, gjersa nga ora 20:30 do të shfaqet filmi “Zgjoi” në Teatrin Kombëtar dhe në Kino Armata.

Hyrja në festival do të jetë me një dëshmi të vaksinimit me të paktën një dozë, dëshmi se kanë antirupa ose një test negativ PCR.

Postimi i plotë i faqes zyrtare të Pri Fest (pa ndërhyrje):

“Sot në PriFest

Dita 1

Sot, me datë 24 gusht, nga ora 19 hapet festivali PriFest, edicioni i 13’të. Në ora 20:00 mbahet ceremonia e hapjes së festivalit, ndërsa nga ora 20:30 do të shfaqet filmi “Zgjoi”, në Teatrin Kombëtar dhe në Kino Armata.

Lusim të ftuarit të kenë me vete dëshminë se janë të vaksinuar (të paktën dozën e parë), ose të kenë dëshminë se kanë antitrupa ose testin PCR negativ. Poashtu të përmbahen protokolleve duke ruajtur distancen dhe mbajtur maskën.

Këtë natë hyrja është vetëm me ftesa, ndërsa për ditët në vijim me bileta.

Biletat janë në shitje online në www.rave-travel.com dhe te Teatri Kombëtar.

Ndërsa programin e filmave dhe aktiviteteve tjera mund ta gjeni në ëeb të PriFest www.prifest.org dhe në rrjetet sociale”. /Telegrafi/