Sipas ekspertëve, Italia do të mund të “shërohet” nga coronavirusi nga mesi i muajit maj

Studimi i të dhënave statistikore në Itali, tregon se vendi mund të lirohet nga rastet e reja nga mesi i muajit maj.

Sipas mediave të huaja, përcjell Telegrafi, ekspertët e Institutit Einaudi për Ekonomi dhe Financa (EIEF) duke përdorur të dhënat nga Departamenti i Mbrojtjes Civile për shkallën e të infektuarve, kanë konkluduar se sëmundja mund të eliminohet brenda periudhës 5 maj-16 maj.

“Jemi në drejtim të duhur, dhe nuk duhet të ndryshojmë strategjinë tonë. Kthimi në normalitet do të jetë në proces gradual, qëllimi është që vendi të përmbajë situatën tani, dhe të parandalojë shpërthimin e mëtejshëm të epidemisë”, tha udhëheqësi i Këshillit të Lartë të Shëndetësisë, Franco Locatelli në një konferencë për shtyp.

Duke analizuar të dhënat e Mbrojtjes Civile, ekipi EIEF erdhi me vlerësimin se cilat rajone do të jenë të lira nga rastet e reja të Covid-19, ditëve në vijim:

• Trentino-Alto Adige (më 6 prill)
• Liguria (më 7 prill)
• Umbria (më 7 prill)
• Basilicata (më 7 prill)
• Valle d’Aosta (më 8 prill)
• Puglia (më 9 prill)
• Friuli Venezia Giulia (më 10 prill)
• Abruzzo (më 11 prill)
• Veneto (më 14 prill)
• Sicily (më 14 prill)
• Piedmont (më 15 prill)
• Lazio (më 16 prill)
• Calabria (më 17 prill)
• Campania (më 20 prill)
• Lombardy (më 22 prill)
• Emilia Romagna (më 28 prill)
• Tuscany (më 6 maj). /Telegrafi/