LAJMI I FUNDIT:

Simptomat dhe jetëgjatësia e depresionit te gratë pas lindjes së fëmijës

Simptomat dhe jetëgjatësia e depresionit te gratë pas lindjes së fëmijës

Nëse shtatzënia përmban ndryshime emocional, atëherë periudha pas lindjes është një tornado emocionesh, shpesh e mbushur me shumë lëkundje të humorit, të qara dhe nervozizëm.

Jo vetëm që lindja bën që trupi juaj të kalojë disa probleme hormonale, por tani ju keni një njeri krejt të ri që jeton në shtëpinë tuaj.

E gjithë kjo trazirë fillimisht mund të çojë në ndjenjën e trishtimit, stresit dhe ankthit sesa në atë gëzimit dhe haresë që prisnit. Shumë njerëz i përjetojnë këto ndenja si një pjesë normale e shërimit pas lindjes, por ato zakonisht largohen një ose dy javë pas lindjes.

Sidoqoftë, nënat e reja që ende luftojnë përtej periudhës dy javore mund të kenë depresion pas lindjes, i cili karakterizohet nga simptoma më të rënda që zgjasin shumë më gjatë.

Depresioni pas lindjes mund të zgjasë me muaj ose edhe me vite nëse nuk trajtohet – por nuk duhet të merreni me të në heshtje derisa të largohet.

Më poshtë gjeni gjithçka që duhet të dini për tu ndier më mirë më shpejt.

Çfarë është depresioni pas lindjes?

Depresioni pas lindjes, është një formë e depresionit klinik që fillon pas lindjes së një fëmije. Simptomat e zakonshme përfshijnë:

  • Humbje e oreksit

  • Qarja e tepërt ose lodhja

  • Vështirësi në lidhjen me fëmijën tuaj

  • Shqetësim dhe pagjumësi

  • Ankth dhe sulme paniku

  • Ndjeheni tepër të zemëruar, të pashpresë ose të turpshëm

Askush nuk e di me siguri se çfarë e shkakton depresioni pas lindjes, por si çdo lloj depresioni, gjëra të ndryshme.

Për shembull, pas lindjes mund të ndodhë që ju:

  • Nuk flini mjaftueshëm

  • Trupi juaj përballet me luhatjet të hormoneve

  • Jeni duke u rikuperuar nga ngjarja fizike e lindjes, e cila mund të ketë përfshirë ndërhyrje mjekësore ose kirurgji

  • Keni përgjegjësi të reja dhe sfiduese

  • Mund të jeni të zhgënjyer nga mënyra se si shkoi lindja

  • Mund të ndjeheni të izoluar, të vetmuar dhe të hutuar

Depresioni pas lindjes: Jo vetëm për gratë me bebe

Vlen të kujtohet se ‘pas lindjes’ në thelb do të thotë të kthehesh ‘jo-shtatzënë’. Kështu që, ata që kanë pasur një dështim ose abort mund të provojnë gjithashtu shumë nga efektet mendore dhe fizike të të pasurit depresion pas lindjes.

Kur fillon zakonisht depresioni pas lindjes?

Mund të fillojë menjëherë pasi të lindni, por me siguri nuk do ta kuptoni menjëherë pasi konsiderohet normale të ndjeheni të trishtuar, të rraskapitur dhe në përgjithësi ‘jo vetja’ gjatë ditëve të para pas lindjes së fëmijës.

Periudha e pas lindjes zakonisht përfshin javët e para 4-6 pas lindjes dhe në shumë raste depresion fillonë gjatë asaj kohe. Por, depresioni gjithashtu mund të zhvillohet gjatë shtatzënësisë ose deri në 1 vit pas lindjes.

A ka ndonjë hulumtim sa zgjat zakonisht depresioni pas lindjes?

Për shkak se depresioni pas lindjes mund të shfaqet diku nga disa javë deri në 12 muaj pas lindjes, nuk ka asnjë gjatësi mesatare kohore sa zgjat. Një përmbledhje e studimeve të vitit 2014 sugjeron që simptomat e tij përmirësohen me kalimin e kohës, me shumë raste të depresionit që kalohen 3 deri në 6 muaj pasi të fillojnë. /Telegrafi/