Silva Gunbardhi tregon se si veproi me foshnjën e gjetur në kazanin e plehrave

E ftuar në emisionin “Why Not” këngëtarja Silva Gunbardhi është pyetur rreth rasteve që ajo ka bërë bamirësi pasi vet nuk i ka bërë publike.

Ajo tregoi dy raste që kishin të bënin me foshnja të braktisura, të cilave këngëtarja ishte përpjekur t’u vinte në ndihmë.

“Djali im lindi në muajin e tetë dhe për këtë arsye, u detyruan mjekët ta mbanin në reanimacion sepse duhet ta mbanin në vëzhgim derisa ti zhvilloheshin tamam mushkëritë. Aty ngjitur ishte një fëmijë që e kishin braktisur prindërit. Gjithmonë Dalvit, ia vendosja qumështin te koka që nëse nuk isha unë aty, t’ia jepte infermierja”.

https://www.instagram.com/p/Bs3O4QUBqjX/

“Një ditë nuk isha aty dhe më thotë infermierja me gjysmë zëri: “Silva, ta marr pak këtë qumështin e djalit tënd sepse nuk na ka ardhur ende furnizimi në spital.” Unë i thashë, të lutem merre komplet kutinë dhe dërgova Dafin ti blejë pampers, rroba, qumësht, i bleva dhe dy lodra.

Rasti i dytë ishte fëmija që hodhën tek kazani i plehrave, një vajzë që mbijetoi. E gjetën ata që hapën kazanët. Sapo mora vesh për atë vajzë, shkova direkt tek reanimacioni dhe asaj i bleva çdo gjë të nevojshme për një bebe”, u shpreh ajo.

Ndryshe, Gunbardhi është duke punuar në projekte të reja muzikore që do t’i sjell gjatë këtij muaji.