Si i shpenzojnë pagat familjet zvicerane?

Shifrat e publikuara së fundmi tregojnë se të ardhurat mesatare mujore të familjeve në Zvicër në vitin 2017 ishin 9,917 franga apo 9,963 dollarë amerikanë. Kjo është e barabartë me 119,004 franga apo 119,554 dollarë amerikanë në vit.

Të ardhurat përbëhen nga pagat apo 64 për qind apo 6,320 franga, të ardhurat e pavarura 10 për qind apo 984 franga, të ardhurat nga investimet me 5 për qind apo 494 franga dhe paratë nga qeveria – pensionet dhe të tjera mirëqenie dhe transferimet – me 21 për qind apo 2,119 franga.

Pjesa më e madhe e shpenzimeve janë taksat dhe sigurimi i detyrueshëm me 30 për qind apo 2,933 franga, megjithëse kjo përfshin pagesa të pensionit të detyrueshëm, prandaj është ndoshta më domethënëse ndarja e kësaj figure në 2,588 franga apo 26 për qind e taksave dhe pagesa të pashmangshme të sigurimeve dhe 4 për qind apo 405 franga të kursimeve të pensioneve.

Artikujt e tjerë më të mëdhenj të shpenzimeve janë strehimi dhe energjia me 15 për qind apo 1,463 franga, transporti me 8 për qind apo 742 franga, ushqimi dhe pije joalkoolike me 6 për qind apo 636 franga, sigurimi opsional – kryesisht shëndetësia me 6 për qind apo 591 franga, restorante dhe hotele me 6 për qind apo 571 franga, rekreacion dhe kulturë me 6 për qind apo 577 franga, shpenzime shtesë të kujdesit shëndetësor me 2 për qind apo 244 franga, ushqim dhe veshje me 2 për qind apo 202 franga, komunikimi me 2 për qind apo 189 franga dhe shpenzime të tjera me 7 për qind apo 648 franga.

Familja mesatare në Zvicër kursen rregullisht 1,111 franga apo 11 për qind në muaj mbi kursimet e pensionit të detyrueshëm.

Rezultatet bazohen në një studim të 3,217 familjeve në vitin 2017.

Në këtë vit, një familje mesatare zvicerane përmbante 2.18 persona. /Albinfo/Telegrafi/