LAJMI I FUNDIT:

Si i përdorin aplikacionet për konsum gjeneratat e reja në Kosovë? 

Si i përdorin aplikacionet për konsum gjeneratat e reja në Kosovë? 

Hulumtimi i fundit i VALICON i kryer në Kosovë tregon të dhëna interesante se si jeton dhe çfarë preferon brezi GEN Z, i njohur edhe si “Brezi Dixhital”. 

Të lindur midis 1995 dhe 2010, Gjenerata Z konsiderohet gjenerata e parë që ndoshta as nuk e njohin botën pa internet dhe pajisje dixhitale. Kjo gjeneratë është rritur në një mjedis të rrethuar nga teknologjia, duke formuar sjelljet dhe preferencat e tyre në aspekte të ndryshme të jetës, përfshirë blerjet dhe aktivitetet e kohës së lirë. 

Blerjet online 

Kur bëhet fjalë për blerjet online, Gjenerata Z në Kosovë tregon një prirje për platformat ndërkombëtare për blerje online si Amazon, eBay dhe AliExpress. Ndërsa shumica e tyre (58%) nuk i kanë këto aplikacione të instaluar në telefonat e tyre, një pjesë e konsiderueshme angazhohet me to duke bërë blerje të ndryshme në bazë mujore (36%).

Aplikacionet për Modën dhe Stilin e Jetesës

Sa i përket aplikacioneve për blerje në fushën e modës dhe stilit të jetesës, Gjenerata Z në Kosovë shfaqin një model të ngjashëm. Ndërsa një shumicë nuk kanë aplikacione si Zara apo SunaSport të instaluar në telefonat e tyre (49%), një pjesë e konsiderueshme ende i përdorin ato në bazë mujore (42%). Kjo tregon se ndërsa dyqanet tradicionale mund të jenë një përvojë e veçantë për disa, po rritet numri i individëve të Gjeneratës Z që po përdorin aplikacionet mobile për blerjet e tyre në fushën e modës dhe stilit të jetesës. 

Aplikacionet për Dorëzim të Ushqimit dhe Programet e Besnikërisë 

Kur bëhet fjalë për mundësitë e argëtimit dhe ushqimit, Gjenerata Z në Kosovë tregon një model përdorimi të përzier. Të pyetur rreth aplikacioneve për shërbimet e dorëzimit të ushqimit delivery (50%) deklaruan se nuk i kanë këto aplikacione të instaluara, ndërsa për programet e besnikërisë (41%) u deklaruan se poashtu nuk i kanë të instaluara në telefonat e tyre këto programe. Sidoqoftë, një numër i konsiderueshëm ende i përdorë në bazë mujore (42% dhe 24% respektivisht). Kjo tregon se ndërsa individët e Gjeneratës Z mund të mos mbështeten në këto shërbime për nevojat e përditshme, ata ende i përdorin ato për kënaqësitë dhe për raste të veçanta. 

Transaksionet Financiare dhe Preferencat për Aplikacionet Bankare 

Sa i përket transaksioneve financiare, Gjenerata Z në Kosovë tregon një angazhim relativisht të lartë me aplikacionet e bankës mobile. Një pjesë e konsiderueshme prej tyre (42%) i përdorin këto aplikacione në bazë mujore, që është tregues i një preferencë të fortë për shërbimet dixhitale bankare. Gjithashtu, një numër i konsiderueshëm i individëve të Gjeneratës Z angazhohen me aplikacione për pagesa dhe transferim parash (30%), duke treguar një komoditet të rritur me mjete financiare dixhitale.

Ky hulumtim është kryer përmes platformës online Opinia.Club e cila menaxhohet nga kompania Valicon. Për t’u bërë edhe ju pjesë e Opinia.Club, ju mund ta shkarkoni Opinia.Club në në App Store si dhe në Google Play.

Në trend Ekonomi

Më shumë
Deri në 1 mijë euro për familje për të mbështetur instalimin e sistemit për energjinë e ripërtëritshme - hapet thirrja

Deri në 1 mijë euro për familje për të mbështetur instalimin e sistemit për energjinë e ripërtëritshme - hapet thirrja

Ekonomi
Peci shpërndau vaksina nga ajri kundër tërbimit: Është sëmundje vdekjeprurëse që bartet nga kafsha tek njeriu

Peci shpërndau vaksina nga ajri kundër tërbimit: Është sëmundje vdekjeprurëse që bartet nga kafsha tek njeriu

Ekonomi
Kompania Turistike Shpejtimi ofron nisje çdo ditë në drejtim të Shëngjinit dhe Velipojës

Kompania Turistike Shpejtimi ofron nisje çdo ditë në drejtim të Shëngjinit dhe Velipojës

Kompania Turistike Shpejtimi
UBT renditet në mesin e top 100 universiteteve në botë në fushën e arkitekturës dhe inxhinierisë civile

UBT renditet në mesin e top 100 universiteteve në botë në fushën e arkitekturës dhe inxhinierisë civile

UBT
Ti në pauzë, a e lyn a e ngjyn?

Ti në pauzë, a e lyn a e ngjyn?

Perfetta Pashteta
A don me ditë qysh me u dok ma s'miri?

A don me ditë qysh me u dok ma s'miri?

Melodia Px
Kalo në kategori