Flamuri i kaltër me hartën e artë në ballë të saj dhe yjet që bëjnë roje përmbi, ishte vështirë të gjendet me shumicë më 17.02.2008, diku tjetër përpos institucioneve qendrore.
Sidoqoftë për të përmbushur një ‘profeci’, ish-koloneli i Policisë i cili ishte përgjegjës për Dhomën Komanduese, Destan Thaçi donte të shpërfaqte që prej asaj dite të shkurtit të ftohtë, të gjitha institucionet e Kosovës do jenë vatra të një Republike.
Thaçi, atëbotë drejtor i Policisë në Rajonin e Prishtinës tregon se si kishte shprehur dëshirën që flamurin e ri të Kosovës ta vendosin në krye të Policisë në Prishtinë.
“Flamuj nuk kishim por duke iu falënderu kryetarit Isa Mustafa në atë kohë që i thashë “çomi nja tre flamura”, një e kam ndalë me e shënju atë ditë dhe kemi dalë e kemi rreshtu njësinë speciale përpara dhe e kemi ngrit flamurin këtu ku po e shihni tash dhe pastaj vazhduam me detyrat”, rrëfeu Thaçi për Kallxo.com.
Flamuri së bashku me stemën e shtetit më të ri në Evropë ishte miratuar në pikën e rendit të dytë në seancën e jashtëzakonshme të shpalljes së Pavarësisë së Kosovës.
Deri te akti i shpalljes së Kosovës shtet i pavarur dhe demokratik, nën mbikëqyrjen e Kombeve të Bashkuara, Kosova kishte ndërtuar një Shërbim Policor.
Disa qindra metra afër Kuvendit eprorët e policisë ndërtuan një dhomë të komandës e cila do menaxhonte tërë situatën.
Hierarkia e lartë e këtij shërbimi drejtohej nga policia e UNMIK-ut dhe çdo operacion deri më 17.02.2008 ishte nën ombrellën e këtij misioni të OKB-së.
Me shpalljen e pavarësisë policia ndryshoi kompetencat e saj dhe u shndërrua në Polici të Republikës së Kosovës.
Destan Thaçi, ish-drejtor i Policisë në Rajonin e Prishtinës
Thaçi i cili tashmë është në pension, e kujton fare mirë punën e tij dhe ekipit, për ta mbajtur rajonin e Prishtinës në nivel të lartë të sigurisë në mënyrë që asnjë incident i vogël mos të e shkatërrojë magjinë e asaj date.
“Ne kemi pas informata se atë ditë do të shpallet Kosova shtet i pavarur dhe sovran. Nga dhoma komanduese që unë e kam udhëhequr me stafin komandues ku kanë marr pjesë edhe KFOR-i, OSBE-ja dhe të gjithë eprorët e njësive të rajonit të Prishtinës, kemi marrë vendime ekipore për realizimin e planit operativ që e kemi pas për atë ditë”, tha Thaçi.
Në bazë të informatave që kishin poseduar nga terreni, Thaçi tregoi se si kishin marrë vendime ekipore për realizimin e planit operativ, anipse nuk kanë pasur sinjale që do të ketë ndonjë incident.
“Ka shku krejt normal, festimet kanë zgjatë jo vetëm atë ditë”, tregoi Thaçi.
Shpallja e Pavarësisë së Kosovës është bërë më 17.02.2008 në ora 15:39 në Kuvendin e Republikës së Kosovës në Prishtinë.
Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.
Deklarata e Pavarësisë ishte lexuar nga Hashim Thaçi, i cili në atë kohë ishte kryeministër i Kosovës. /Kallxo.com/
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Prokuroria jep detaje për plagosjen e katër personave në Lupç të Podujevës
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit