Si mund ta detyrojë Trumpi, Zelenskyn dhe Putinin të nisin bisedimet për paqe?

Donald Trump ka premtuar disa herë se do ta ndalojë luftën në Ukrainë “brenda 24 orëve” pasi do të inaugurohet më 20 janar, pa dhënë detaje se si.

Këtë javë, presidenti i zgjedhur e përshkroi konfliktin si “të tmerrshëm” dhe “të ndyrë”, duke shprehur synimin për të bërë përparime drejt paqes.

Në Kiev ekziston frika se 78-vjeçari mund të zvogëlojë ndihmën ushtarake për Ukrainën, si një mënyrë për të detyruar vendin të hyjë në negociata, shkruan skynews.

Lexo po ashtu Kur mund të fillojnë bisedimet për paqe mes Ukrainës dhe Rusisë?

Por. ish-ambasadori i amerikan në Rusi thotë se mënyra më e mirë për të nisur bisedimet do të ishte që SHBA-ja të dërgojë më shumë armë në Kiev.

Michael McFaul thotë se Trumpi duhet të përshpejtojë ndihmën ushtarake që tashmë është miratuar dhe pastaj të ofrojë më shumë armë për të ndalur ofensivën aktuale të Rusisë në lindje të Ukrainës.

Sipas tij, kjo do të krijonte një ngërç në fushëbetejë, që mund të nxisë bisedimet me Moskën.

“Putini do të negociojë seriozisht vetëm kur forcat e armatosura ruse të mos kenë më kapacitet për të pushtuar më shumë territor ukrainas, ose më mirë akoma, edhe pse më pak e mundshme, kur ushtarët rusë të fillojnë të humbasin terren”, shkroi ai në revistën Foreign Affairs.

“Për të nisur negociata serioze, Putini duhet së pari të besojë se SHBA-ja nuk do ta braktisë Ukrainën”, shtoi McFaul.

Ky I fundit thotë se Trump duhet gjithashtu të bindë Zelenskyn të ndalojë luftimet, gjë që do të jetë një “sfidë e konsiderueshme”.

Lexo po ashtu Administrata e Biden ka besim se ndihma ushtarake amerikane e ndarë për Ukrainën është e mjaftueshme për të luftuar deri në fund të vitit 2025

Një sondazh i fundit tregoi se 88 për qind e ukrainasve ende besojnë se do ta fitojnë luftën.

McFaul sugjeron se oferta për anëtarësim në NATO për pjesët e papushtuara të Ukrainës do të ndihmonte në zbutjen e “koncesionit të hidhur për të lejuar një pjesë të madhe të vendit të tyre të mbetet nën okupimin rus”.

“Është karta e vetme që Trumpit mund të përdorë për të bindur ukrainasit të ndalojnë luftimet”, thotë ai.

Ndryshe, Zelensky sugjeroi se një marrëveshje e tillë mund të funksionojë, me kusht që ftesa e NATO-s të njohë kufijtë e njohur ndërkombëtarisht të Ukrainës. /Telegrafi/