Si funksionon botoksi dhe a ka efekte anësore – dermatologia Krasniqi: Mos të aplikohet nga moshat e reja

Dermatologia Dafina Krasniqi në podcastin “Shëndeti në rend të parë” ka folur për llojet e lëkurës, mënyrën se si duhet ta mirëmbajmë, trajtimin e akneve, etj.

Krasniqi ka folur po ashtu për përdorimin e botoksit, që është në trend kohëve të fundit.

“Botoksi është një proteinë që përdoret për parandalimin e rrudhave më të thella dhe i bllokon muskujt…Mirë është që mos të aplikohet nga moshat e reja…”, tha ajo.

Doktoresha Krasniqi tutje theksoi se botoksi rekomandohet të aplikohet pas moshës 45-vjeçare, por në masë të vogël në mënyrë që të “mos dilet nga vetja”.

“Rekomandohet të aplikohet pas moshës 45 vjeçare por jo me dal nga vetja… në masë të vogël e jo mos të mundemi as me lirit fytyrën…”, tha ajo.

Dermatologia Krasniqi ka folur edhe lidhur me atë nëse mund të ketë efekt anësor aplikimi i botoksit.

“Efekte anësore ka kur bëhet prej njerëzve jo kompetent… me një ditë trajnim nuk mundesh me apliku botoks…”, tha tutje doktoresha.

Podcasti “Shëndeti në rend të parë” mbështetet nga kompania Muqa Solar. /Telegrafi/