Më shumë se gjysma e britanikëve mendojnë se Roman Abramovichit duhet t’i merret Chelsea nga pronësia

Roman Abramovich duhet t’i sekuestrohet pronësia e Chelseat, në vazhdën e pushtimit rus të Ukrainës, sipas më shumë se gjysmës së britanikëve.

Presidenti rus Vladimir Putin i shpalli luftë Ukrainës të enjten në mëngjes, duke shkaktuar zemërim masiv ndaj tij nga pjesa më e madhe e botës.

Veprimet e tij kanë çuar në sanksione nga qeveria britanike ndaj Rusisë, dhe disa rusëve në Mbretërinë e Bashkuar, por shumë besojnë se nuk kanë shkuar aq larg sa duhet deri më tani.

Lexo po ashtu Abramovich shihet si njeri i afërt me Putinin, mediat britanike e vënë në siklet Tuchelin me pyetjet për pronarin e Chelseat

Një deputet madje bëri thirrje që Abramovichit t’i sekuestrohej ekipi i tij i futbollit, pavarësisht se miliarderi shpeshherë ka hedhur poshtë çdo lidhje aktuale me Putinin.

Dhe tani duket se publiku britanik pajtohet me deputetin laburist Chris Bryant se klubi nuk duhet të jetë në zotërimin e rusit, me mbi 61për qind të të anketuarve që thonë se duhet t’i merret, ose se sanksioni nuk shkon aq larg sa duhet.

55-vjeçari nuk jeton më në Mbretërinë e Bashkuar dhe nuk ka pasur nënshtetësi që nga viti 2018 dhe është parë rrallë në Stamford Bridge që kur u transferua në Izrael.

On potential further sanctions against Russia:

Seizing Chelsea football club from Russian billionaire Roman Abramovich, due to his links to the Russian leadership

Go too far: 13%
Are about right: 35%
Don't go far enough: 26%https://t.co/Qt31PmacBa pic.twitter.com/qYFwHrpcLF

— YouGov (@YouGov) February 25, 2022

Ai u kthye në fund të vitit të kaluar dhe ishte gjithashtu në Portugali për të parë ekipin të fitonte Ligën e Kampionëve sezonin e kaluar, kur ata mposhtën Manchester Cityn në finale.

Abramovich fitoi një padi kundër botuesit HarperCollins vitin e kaluar kur një libër për Putin pretendonte se presidenti rus kishte urdhëruar miliarderin të blinte Blutë në vitin 2003.

Ndërsa ai ende nuk ka komentuar për situatën në vendin e tij, vajza e tij postoi në mediat sociale se ishte lufta e Putinit dhe se publiku rus nuk e mbështeti pushtimin.

Lexo po ashtu Abramovich i shpëton sanksioneve nga Anglia, por është gati ta shes Chelsean për një shifër rekorde

Që kur bleu klubin e Londrës perëndimore, Abramovich ka parë sukses të jashtëzakonshëm në Stamford Bridge dhe klubi ka çdo titull.

Pesë nga gjashtë titujt e ligës së klubit janë fituar që nga viti 2003, si dhe pesë Kupa FA dhe dy Kupa të Ligës, dhe suksesi nuk ka qenë i kufizuar në titujt vendas.

Ata kanë fituar dy Liga të Kampionëve, dy Liga të Evropës dhe Superkupën e UEFA-s. Suksesi në Kupën e Botës së Klubeve të FIFA bëri që ata të fitojnë çdo trofe të mundshëm.

Të dielën ata mund të shtojnë një tjetër fitore të Kupës së Ligës, pasi do të takohen me Liverpoolin në finalen e Carabao Cup në Wembley. /Telegrafi/