Dhuna në familje në Dibër dhe rajon vazhdon të jetë prezente. Edhe përkundrejt aktiviteteve të institucioneve kompetente që kanë të bëjnë me këtë dukuri sociale, me qëllim që ajo të zbutet për shkak të tradicionalizmit që është prezent në komunën e Dibrës dhe Qendër Zhupë, të pakta janë rastet të dhunës në familje të cilët dalin në shesh.
Të dhënat të Qendrës për punë sociale në Dibër flasin se evidentohen vetëm rastet kur të dhunuarit në familje paraqesin ato raste. Për fat të keq ky numër është shumë më i vogël se sa numrat të vërtetë të dhunës në familje të cilët kryesisht janë kundër gruas.
Sipas të dhënave të Qendrës për punë sociale në Dibër e cila me aktivitetet e saj mbulon komunat Dibër dhe Qendër Zhupë, në periudhën janar-shtator janë evidentuar vetëm katër raste të dhunës në familje. Punëtorja sociale në këtë institucion Lindita Bellçishta, thotë se është një numër më i ulët në krahasim me vitet e kaluara, por shton se numri nuk është objektiv.
“Në vitin 2021 dhe 2022 numri i dhunës në familje ka qenë mesatarisht 9. Tani për nëntë muaj kemi vetëm katër raste të cilët trajtohen tek ne në institucion dhe në institucionet e tjera. Por kjo nuk do të thotë se numrat janë objektiv. Analizat të institucionit tonë thonë se jeta tradicionale në këtë rajon ndikon në mosparaqitjen e rasteve të shumta që kanë të bëjnë me dhunën në familje”, thotë Bellçishta dhe shton se për fat të keq në Dibër dhe në fshatrat e saj por edhe në komunën rurale Qendër Zhupë dhuna është prezent edhe atë kryesisht kundër grave”.
“Poashtu duke dhënë sqarime për dukurinë negative sociale, Bellçishta thotë se si shkaqe kryesore në raste të cilët janë trajtuar në Qendrën për Punë Sociale janë përdorimi i alkoolit dhe prezenca nëpër lokalet e lojërave të fatit nga ana e bashkëshortëve. “Alkoolizmi dhe bixhozi kanë ndikim shumë negativ në jetën sociale të familjeve. Pothuajse të gjithë rastet ku ka dhunë në familje shkaktohen nga problemet sociale të shkaktuara nga këta dy vese negative”, thotë ajo për gazetën Koha.
Në këtë drejtim Qendra në përputhje me obligimet që ka nga Ligji, realizon aktivitete të ndryshme me qëllim të tejkalohet dhuna në familje. Në disa raste sipas burimit të njëjtë aktivitetet e Qendrës japin rezultate, por jo gjithmonë. Dhuna në familje drejtpërdrejt ndikon shpeshherë edhe në divorcet. Pjesa dërmuese e divorceve shkaktohet nga dhuna në familje, thonë nga kjo Qendër.
Në Qendrën për Punë Sociale rreth problemit të dhunës në familje potencojnë se ka nevojë për një bashkëpunim më të madh mes institucioneve kompetente rreth këtij problemi. Poashtu potencohet se nëse ka një bashkëpunim më të madh pritet të ulet dhuna në familje si dukuri negative sociale.
Shoqatat qytetare në Dibër poashtu potencojnë se rastet të cilat paraqiten në sferën e dhunës në familje janë minore në krahasim me numrat real si në qytet ashtu edhe në fshatra. Shoqatat potencojnë se shumë raste ekstreme të dhunës në familje nuk janë paraqitur as në polici e as në Qendrën për Punë Sociale. Viktimat kryesisht janë femrat por ka edhe pleq./Koha.mk/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Ambasadori i Finlandës: Anëtarësimi i Kosovës në NATO do të bëhet realitet
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe