Presidenti i Kosovës, Hashim Thaçi, i ka filluar konsultimet me partitë politike në lidhje me zhvillimet pas dorëheqjes së kryeministrit, Ramush Haradinaj.
Thaçi, konsultimet, fillimisht i ka nisur me përfaqësuesit e partive të vogla nga radhët e komuniteteve.
Ai deri më tash ka takuar përfaqësuesit e Partisë Demokratike Turke të Kosovës (KDTP) dhe ata të subjektit VAKAT nga Grupi Parlamentar 6 plus dhe partitë e komunitetit rom, ashkali dhe egjiptas, por nuk ka njoftime se kur mund të ketë takime me përfaqësuesit e tjetër të partive politike shqiptare.
Analistët politikë konsiderojnë se zhvillimet politike në Kosovë janë duke shkuar drejt një përkeqësimi të gjendjes politike dhe jo drejt një zgjidhjeje.
Milazim Krasniqi, shef i Departamentit të Gazetarisë në Universitetin e Prishtinës, thotë për Radion Evropa e Lirë, se partitë politike shihet se nuk e kanë preokupim as zbatimin e Kushtetutës e as të ligjshmërisë, por një rivalitet politik, i cili siç thotë ai, mund ta bëjë gjendjen edhe më të keqe nga sa është.
“Mendoj se zgjidhja e vetme është te Kushtetuta, pra duhet të zbatohen procedurat kushtetuese që parashihen për këtë rast, që do të thotë presidenti duhet t’i ftojë partitë politike dhe të provojë të formojë një qeveri të re dhe nëse ajo nuk realizohet atëherë me një marrëveshje të partive, të shpërbehet parlamenti dhe të shpallen zgjedhjet. Përndryshe kjo se si ka filluar fushata, definitivisht vetëm sa po e ashpërson diskursin politik”, thotë Krasniqi.
Sipas tij, një vendim drejt një procesi të ri zgjedhor, do të ishte zgjidhja më e mirë.
“Personalisht, mendoj se jemi më afër procesit të zgjedhjeve, sepse të gjitha paritë politike janë deklaruar që janë për mbajtjen e zgjedhjeve ashtu që nëse janë të sinqerta në qëndrimet e tyre, unë besoj se do të ketë zgjedhje”, shton Krasniqi.
Kurse, analisti tjetër, Ismail Hasani, thotë për Radion Evropa e Lirë, se janë disa faktorë që tashmë do të shkojnë drejt një bllokimi institucional.
E para, sipas tij, është kërkesa e ish-kryeministrit Ramush Haradinaj për Gjykatën Kushtetuese për të dhënë një vlerësim për dorëheqjen e tij, dhe e dyta thotë Hasani, është mungesa e qëndrimit unifikuar për një takim të përbashkët me të gjitha partitë politike për caktimin e datës së zgjedhjeve.
“Ka mungesë të elementit të unifikuar të presidentit që t’i thërrasë të gjitha partitë politike, jo të improvizojë takime me parti të vogla, të cilat nuk duhet nënçmuar, sepse edhe ato janë entitete politike të etniteteve në Kosovë, por megjithatë presidenti në mënyrë urgjente duhet të takojë parti relevante prej të cilave është e determinuar edhe jeta institucionale në Kosovë”, vlerëson Hasani.
Analisti Hasani konsideron se disa udhëheqës të institucioneve dhe liderë të partive politike, pas dorëheqjes së kryeministrit Haradinaj, qëllimisht janë duke u munduar që të shtyjnë caktimin e datës së zgjedhjeve të reja.
“Mendoj se presidenti dhe në mënyrë të fshehur edhe ish-kryeministri po pretendojnë që ta zvarrisin problemin e caktimit të datës së zgjedhjeve. Po ajo që subjektet politike duhet të bëjnë, është që urgjentisht t’i bëjnë ftesë Kryesisë së Kuvendit të thërrasë Kuvendin që ta shpërbëjë legjislaturën aktuale dhe t’i jepet rrugë zgjedhjeve dhe zgjidhjeve”, thekson Hasani.
Njohësit e çështjeve ligjore, thonë se për shpërbërjen e Kuvendit nevojitet shumica e kualifikuar apo më shumë se dy të tretat e votave të deputetëve të Kuvendit, i cili ka 120 ulëse.
Pas dorëheqjes së Ramush Haradinajt nga posti i kryeministrit të Kosovës, partitë politike të përfaqësuara në Kuvendin e Kosovës janë në pritje të ftesës nga presidenti i vendit, Hashim Thaçi, për konsultime lidhur me hapat e mëtutjeshëm.
Partitë politike janë duke pritur që pas këtyre konsultimeve të përcaktohet data e zgjedhjeve të parakohshme, ndonëse presidenti i vendit, mund ta shqyrtojë mundësinë e gjetjes së një mandatari të ri për kryeministër të Qeverisë, pa shkuar në zgjedhje të reja.
Promo
Reklamo këtuLufta Prigozhin - Putin
Më shumëNga Rubrika
Pas vizitës në selinë e NATO-s, gjenerali Ulutash: Vetëm zgjidhje politike mes Kosovës e Serbisë
Pasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Osmani thekson rëndësinë e anëtarësimit të Kosovës në KiE
"Serbia po frikëson dhe shantazhon qytetarët e Kosovës"- Qeveria shpalos detaje tjera nga biseda telefonike Kurti-Macron
Ndërtimi i tunelit në rrugën “Agim Ramadani” në Prishtinë, në fazën e prokurimit - Rama publikon pamjet
Votoi pro Kosovës në Asamblenë Parlamentare të KiE-së, kërcënohet deputeti boshnjak
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert