Vetëm disa javë pasi Jennifer Lopez dhe Ben Affleck ishin kthyer në Los Angeles nga një udhëtim i përbashkët në Montana, dyshja janë ribashkuar në Miami.
Këngëtarja dhe aktorja e famshme është fotografuar të dielën së bashku me yllin hollivudian.
Fotografitë e shpërndara nga mediat rozë e kanë paraqitur 51-vjeçaren të disponuar, ndërkohë që prapa saj ndodhej 48-vjeçari që dukej paksa më serioz.
(Foto: MiamiPIXX /VEM/BACKGRID)
Ata kanë dalë nga një rezidencë private, ndërkohë që mediat spekulojnë se yjet e famshme e kanë rikthyer lidhjen e dikurshme.
Jennifer Lopez thotë se ku ka dashuri ka edhe mrekulli, pas aludimeve se është kthyer me Ben Affleck
The Post ka raportuar se dyshja nuk janë duke u ngutur në lidhjen e re, ndërkohë që burimet kanë thënë se J.Lo ka qenë gjithmonë e fiksuar pas Affleckut, edhe pse lidhja e tyre kishte dështuar shumë vite më parë.
Të njohur me nofkën ‘Bennifer’, Jennifer dhe Ben kanë qenë në lidhje nga mesi i vitit 2002 deri në janar të vitit 2004 kur edhe ishin ndarë. Dy aktorët u njoftuan në xhirimet e filmit “Gigli”, ndërsa gjatë kohës sa ishin bashkë, madje edhe u fejuan.
Pas dështimit të lidhjes së tyre, Lopez i martua me këngëtarin Marc Anthony vetëm pesë muaj pas ndarjes nga Affleck. /Telegrafi/
‘Bennifer’ ishin bashkë gjatë viteve 2002-2004 (Foto: Insider)
