Shtabi i Krizës-Kumanovë kërkon që MPPS të përfshihet në sigurimin e paketave për familjet me probleme sociale

Në seancën e sotme të 28-të, Shtabi Komunalë i Krizave nga Kumanova kërkoi nga MPPS të përfshihet në sigurimin e paketave për familjet me probleme sociale, kryetarët e komuniteteve lokale të paraqesin listat e kategorive të prekshme të qytetarëve, autoritetet shëndetësore t’u japin prioritet testeve të punonjësve shëndetësorë nga Kumanova.

Në deklaratën e Shtabit thuhet se MPPS është e nevojshme të përfshihet në sigurimin e paketave sociale me dezinfektues dhe produkte ushqimore për të gjitha familjet më të rrezikuara shoqërore në territorin e Komunës së Kumanovës.

Kryetarët e bashkësive lokale dhe urbane duhet të paraqesin një listë në qendrën e krizave komunale të familjeve më të rrezikuara nga zonat e tyre në mënyrë që paketat sociale të shpërndahen në kohën e duhur. Edhe një herë, zyrtarët nga Shtabi u kanë bërë thirrje qytetarëve që të mos përdorin parqet e lojërave për fëmijë që ishin mbyllur më parë, përndryshe, theksohet në njoftim, Ministria e Brendshme do të veprojë me ndëshkim, në përputhje me Ligjin dhe vendimet e Qeverisë.

“Kërkesë deri tek Ministria e Shëndetësisë, Komisionit për sëmundje infektive dhe Institutit për Shëndet Publik Shkup për t’i dhënë përparësi testeve për të gjitha mostrat e marra në territorin e Komunës së Kumanovës për punëtorët shëndetësorë dhe njëkohësisht të informojnë Qendrën për Shëndet Publik – Kumanovë për rezultate pozitive dhe negative nga testet, për faktin se për pjesën më të madhe të mostrave që janë dërguar për analiza, rezultatet nuk janë marrë me kohë, gjë që besojmë se krijon një tablo epidemiologjike jo reale në Komunën e Kumanovës”, thuhet në deklaratën e Shtabit./Telegrafi/