Përvjetori i 13-të i Pavarësisë së Kosovës i gjen shqiptarët e veriut në rrethana të njëjta sa i përket realizimit të të drejtave të tyre individuale dhe kolektive.
Ata edhe më tutje ndihen të diskriminuar jashtëzakonisht, ndërsa akuzojnë institucionet se nuk kanë punuar sa duhet në këtë drejtim.
Emir Azemi, banor i veriut të Mitrovicës, ka bërë të ditur për KosovaPress se tek banorët shqiptarë të asaj pjese nuk ka ndonjë entuziazëm për festë, ndonëse tha se mblidhen mes vete dhe urojnë njëri tjetrin aty ku ka mundësi.
Sipas tij, veriu vazhdon të mbetet problem i madh, andaj është e pamundur që shqiptarët në atë pjesë të festojnë me flamuj, muzikë dhe ngjashëm.
“Shqiptarët në veriun e Mitrovicës më herët e kanë pritur me gëzim të madh Pavarësinë e Kosovës duke besuar dhe shpresuar se gjendja e tyre politike, ekonomike dhe sociale do të ndryshojë pozitivisht… Nuk ka ndonjë entuziazëm për një festë ashtu me tupana, por pa dyshim që mblidhemi aty ku kemi mundësi, e urojmë njëri tjetrin për këtë festë, por siç e thash, problemi është ende i madh[…]Është e qartë se një numër I vogël I qytetarëve shqiptarë jetojnë edhe në qendër të qytetit, por logjika dhe mendja ma thotë se ata nuk e kanë as mundësinë e të themi as guximin që të festojnë në qendër të qytetit ku janë 15 mijë serbë[…]Edhe pse jetojnë në Republikën e Kosovës, ata nuk munden ta valëvitin flamurin e Kosovës ose kombëtar në qendër të qytetit, kjo është diçka që është realitet dhe nuk mund ta fshehim”, ka thënë Azemi.
Fetije Pirqi, e cila poashtu jeton në veri të këtij qyteti, thotë se shqiptarët përtej Ibrit nuk ndihen akoma të lirë dhe nuk guxojnë të festojnë sikur që bëjnë bashkëkombësit e tyre në pjesën tjetër të qytetit. Duke akuzuar institucionet se nuk kanë bërë sa duhet për këtë pjesë të vendit, ajo shpreson se tash me ardhjen e qeverisë së re në pushtet, gjërat do të ndryshojnë për të mirë.
“Po ne nuk ndihemi të lirë sikur bashkëkombësit tonë të pjesës jugore[…]Ju e dini që ne s’guxojmë me festu sikur në veri sikur në jug[…]Qeveria është dashur të interesohet për veri më shumë, shpresojmë tash e pas kemi qeverinë e re dhe kryhen punët”, theksoi Pirqi.
Edhe Dion Gashi, një banor tjetër i veriut të Mitrovicës, mohon se shqiptarët atje ndiejnë atmosferë feste.
“Për neve shqiptarëve të veriut nuk ka pavarësi në këtë pjesë”, tha shkurt ai.
Ndërkaq, politologu Musa Preteni, ka potencuar se edhe pas 13 viteve të pavarësisë, Kosova ka probleme serioze të shtrirjes së sovranitetit të saj në pjesën veriore, dhe si pasojë, shqiptarët në atë pjesë kanë probleme të mëdha në aspektin e sigurisë dhe në aspekte tjera.
Ai shtoi se sot në përvjetorin e 13 të Pavarësisë, qytetarët shqiptarë të asaj pjese përballen me gjendje aspak të mirë, si pasojë e mos realizimit të shumë marrëveshjeve për veriun, që ka pasur në mes të Kosovës dhe Serbisë.
Preteni ka fajësuar institucionet përgjegjëse për neglizhencë, sepse nuk kanë punuar sa duhet në këtë drejtim, por ka përmendur edhe BE-në si përgjegjëse kryesore për shkak se siç tha ai, nuk ka bërë presionin e duhur tek Serbia, për implementimin e marrëveshjeve.
“Edhe pas 13 vjet pavarësi, Kosova ka probleme serioze të shtrirjes së sovranitetit të saj real dhe de fakto në pjesën veriore, dhe si pasojë e kësaj edhe shqiptarët që jetojnë në atë pjesë e presin këtë përvjetor prapë në një gjendje jo të mirë, duke pasur probleme të mëdha në aspektin e sigurisë dhe në aspekte tjera[…]Ka pasur një numër të madh të marrëveshjeve në mes Kosovës dhe Serbisë sa I përket pjesës veriore me ndërmjetësimin e BE-së. Sot, në 13 vjetorin e pavarësisë përballemi me mungesën e realizimit praktik të këtyre marrëveshjeve, si pasojë e neglizhencës së institucioneve të Kosovës, të cilat nuk e kanë bërë një punë të mjaftueshme sa I përket kësaj pjese. Por, normalisht që një pjesë e madhe e përgjegjësisë bie mbi ata që kanë qenë ndërmjetësues, që I bie institucioneve ndërkombëtare, më konkretisht Bashkimi Evropian, I cili nuk e ka bërë presionin e duhur tek Serbia për implementimin e këtyre marrëveshjeve”, u shpreh Preteni. /KP/ Telegrafi/
Promo
Reklamo këtuLufta Prigozhin - Putin
Më shumëNga Rubrika
LSM dhe KOSM bashkë në protestën e 1 Majit nën moton “Ne punëtorët”
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Ligji për nënat surrogato në Shqipëri, Shehu: I shtyrë nga grupet kriminale, nëse miratohet do të pasohet nga ligji i martesave homoseksuale
Çka tha diplomati slloven Zhbogar në OKB që u irritua Vuçiqi?
Sylejman Selimi dhe Jahir Demaku lirohen nga akuza për krime lufte
Babai i Vanjës me ankesë të re para Gjykatës Supreme, kërkon që t’i hiqet masa e paraburgimit
Sindikata e Re e KEK-ut, ajo e Administratës dhe e Trepçës reagojnë ndaj kryetarit të BSPK-së për disa vendime
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën