“Shpresoj që kurrë të mos zgjohem nga kjo ëndërr”, Castrovilli flet për debutimin me Italinë dhe objektivat në karrierë

Mesfushori i Fiorentinës, Gaetano Castrovilli shpreson të përdorë sezonin e ardhshëm për të çimentuar një vend në skuadrën e Roberto Mancinit në Kombëtaren e Italisë për Euro 2021.

Castrovilli i ka shkëlqyer këtë sezon në Artemio Franchi, duke e lidhur atë me një transferim në klubet më të mira në Itali.

Por, mesfushori energjik ka thënë se ai është i përqendruar në përmirësimin e tij dhe çimentimin e një vendi në ekipin e Azzurrëve.

Lexo po ashtu Juventusi dhe Interi vazhdojnë 'luftën' për Castrovillin

Me Kampionatin Evropian të shtyrë deri në verën e vitit 2021, 23-vjeçari i Violës ka shtuar se do të jetë në një pozitë më të mirë pas një viti tjetër duke bërë përvojë në Serie A.

“Ne duhet të ndjekim rregullat dhe të kalojmë sa më shpejt këtë periudhë”, ka thënë fillimisht Castrovilli për Sky Sport Italia, duke u përgjigjur rreth Covid-19.

“Ende më duhet të arrij gjithçka, të jem i thirrur për kombëtaren është një gjë e bukur. Shpresoj që kurrë të mos zgjohem nga kjo ëndërr”.

“Mancini më ka mësuar që ëndrrat mund të realizohen. Ish-trajneri i Fiorentinës Vincenzo Montella dhe trajneri aktual Beppe Iachini më kanë dhënë shumë”.

Castrovilli bëri debutimin e tij për Italinë kundër Bosnje-Hercegovinës më 15 nëntor të vitit të kaluar, kur ai u fut për të luajtur katër minuta në fund të një fitore 3-0 në Bilino Polje.

Ai u la në stol në fitoren 9-1 kundër Armenisë tre ditë më vonë, por debutimi i tij me kombëtaren ka bërë që ai të besojë në një të ardhme me Azzurrët dhe është zotuar të punojë shumë për një vend.

“Do të kem edhe një vit përvojë. Shpresoj të përmirësohem dhe të punoj në dobësitë e mia”.

“Më mungon fusha, shokët e skuadrës dhe tifozët. Shpresojmë të përmirësohem dita ditës, gjithashtu edhe me trajnime nga shtëpia”, përfundoi italiani. /Telegrafi/