Shpëtuan në minutën e fundit nga VAR, por Lautaro Martinez ka ankesa në referim

Sulmuesi i Interit, Lautaro Martinez nuk ishte i kënaqur me gjyqtaren Maria Sole Ferrieri Caputi për mënyrën se si ajo gjykoi sfidën mes Interit dhe Venezias që përfundoi 1-0.

Interi pranoi një gol në minutën e 98-të, por pas rishikimit në VAR ai u anuluar dhe Neroazzurët morën tre pikët.

“Kishte zero minuta kohë shtesë në pjesën e parë, por shtatë pas pushimit. Mendoj se futbolli duhet të ecë përpara dhe ne nuk po e bëjmë këtë”.

“Kjo është arsyeja pse ne jemi të zemëruar. Nëse duam që futbolli të përmirësohet, të gjithë duhet të bëjmë më shumë”.

“Në çdo rast, ne marrim këto tre pikë dhe vazhdojmë të bëjmë punën tonë në fushë”, tha Lautaro.

“Sigurisht, ne gjithashtu kemi fajin tonë për të marrë që nuk e vramë ndeshjen më herët, ne bëmë të njëjtën gjë kundër Juventusit. Është një sezon i gjatë, por ne duhet të përmirësohemi në këto detaje”, përfundoi argjentinasi.

Sulmuesi 27-vjeçar ka gjashtë gola dhe katër asistime në 13 paraqitje për Interin deri më tani këtë sezon. /Telegrafi/