Shpëtoi nga vdekja 37 fëmijë, kur ndjeu erën e tymit në automjet – shoferja shtatzënë e autobusit në Milwaukee bëri gjënë e duhur

Një shofere shtatzënë e autobusit në Milwaukee arriti të shpëtojë 37 fëmijë nga një autobus i djegur, vetëm pak sekonda para se automjeti të merrte flakë.

Imunek Williams ishte duke vozitur kur në autobus u shfaq tym, transmeton Telegrafi.

“Ndjeva diçka në semafor dhe mendova se ishte tym që vinte nga një veturë tjetër. Por ndërsa vazhdova të vozisja, era dhe tymi filluan të ndihen më shumë. Në atë moment u thashë fëmijëve se duhet të dilnim jashtë”, tha Williams.

Pamjet dramatike të filmuar në vendngjarje tregojnë autobusin e madh të shkollës të përfshirë plotësisht nga flakët, me tym të bardhë të dendur që dilte nga dritaret.

Autobusi mori flakë disa sekonda pasi Williams i çoi të gjithë fëmijët në hapësirë të sigurt.

“Sapo zbritëm nga autobusi, u ktheva dhe e pashë autobusin në flakë”, shtoi Williams, qw ka filluar epitetin e heroinws.

Williams, e cila është në pritje të një djali, shtoi: “Është mirë të shohësh fëmijët që më falënderojnë këtë mëngjes dhe shkolla duke më falënderuar. Nëse fëmija im ishte në autobus, do të doja që shoferi i autobusit të bënte saktësisht të njëjtën gjë”. /Telegrafi/