Një shpërthim i fuqishëm është dëgjuar para pak minutash në Kabul të Afganistanit, në hyrje të xhamisë Eidgah, ku sipas mediave lokale ka të vdekur.

Lajmin për sulmin e ka konfirmuar zëdhënësi i talebanëve, Zabihullah Mujahid në profilin e tij në Twitter, duke mos precizuar numrin e viktimave të këtij sulmi, transmeton Telegrafi.

Sipas disa raportimeve nga vendi ku ka ndodhur sulmi, para shpërthimit janë dëgjuar disa të shtëna armësh.

Megjithatë deri më tani askush nuk e ka marrë përgjegjësinë për sulmin vdekjeprurës. /Telegrafi/