Shpërthen Ronaldo ndaj Xhenetës: Ke kërkuar vetë të futesh në Big Brother VIP Albania, tregohu e sinqertë

E ftuar në emisionin “Fun Club”, Xheneta tregoi se kishte marrë një ftesë nga produksioni i Big Brother VIP Albania, për t’u bërë pjesë e formatit.

Ajo sqaroi se ishte kontaktuar nga stafi ndërsa ishte ende brenda BBVK dhe pas përfundimit të rrugëtimit të saj, por nuk arriti marrëveshje për të hyrë.

Mirëpo, Ronaldo Sharka e kundërshtoi ashpër këtë deklaratë, duke thënë: “Unë di të kundërtën, Xheneta ka kërkuar vetë të futet në Big Brother VIP Albania 4. Do të doja të ishe e sinqertë sonte me publikun.”

Xheneta e mohoi menjëherë këtë pretendim, duke u shprehur: “Jo, kjo është shpifje. Unë i kam mesazhet.”

Debati u përshkallëzua më tej, me Ronaldon që insistoi: “Shpifje nga kush? Kush po shpif?”

Xheneta u përgjigj: “Ata që ta kanë thënë ty, ose ti po shpif. Sepse unë i kam mesazhet kur familja ime është kontaktuar në momentin kur unë kam qenë në Big Brother dhe mbas Big-ut kur kam përfunduar, unë kam folur me produksionin e Shqipërisë dhe kam qenë e mirëseardhur këtu, kam pasur shumë mikpritje të mirë, por thjesht nuk jemi pajtuar.”

Lexo po ashtu Ishin të ftuara të dyja në një videoklip, a njihen jashtë Egli me Xhenetën?

Ronaldo nuk u tërhoq: “Pra, ke kërkuar të futesh në Big Brother.”

Xheneta reagoi e revoltuar: “Kjo nuk është e vërtetë dhe nuk të lejoj të shpifësh. Merr informacione të sakta!”

Ronaldo e ironizoi: “Zonja gjykatëse, prokurore, të lutem më lër të mbaroj.”

Xheneta: “Nuk jam as gjykatëse as prokurore, por ndoshta një ditë mund të të mbroj!”

Ronaldo e mbylli me një ton provokues: “Qetësohu zemër, qesh pak.” /Telegrafi/