Organizatat joqeveritare dhe aktivistë të shoqërisë civile janë mbledhur bashkë në një kërkesë drejtuar kryeministrit të Kosovës, Avdullah Hotit të cilit i kërkojnë që ta largoj nga detyra e tij, ministrin e Arsimit dhe Shkencës, Ramë Likaj dhe zëvendësin e tij, Driton Bardheci.
Trembëdhjetë organizatat nënshkruese të kërkesës kërkojnë që të Likaj dhe Bardheci të zëvendësohen me profile tjera që kanë aftësi dhe integritet për të çuar përpara reformat që janë urgjentisht të nevojshmë në arsim.
“Ne, organizatat dhe aktivistët e shoqërisë civile që punojmë dhe e përkrahim fushën e arsimit jemi thellësisht të alarmuar me goditjet e radhës që i bëhen arsimit në Kosovë nën Qeverinë Hoti. Emërimi i z. Ramë Likaj në pozitën e ministrit dhe z. Driton Bardheci në pozitën e zëvendësministrit të Ministrisë së Arsimit dhe Shkencës (MASH) janë vendime të papranueshme për cilindo qytetar të Kosovës që e dëshiron një arsim cilësor, relevant dhe serioz. Kërkojmë nga kryeministri Hoti që t’i largojë nga kabineti i tij këta anëtarë dhe t’i zëvendësojë ata me profile që kanë aftësi dhe integritet për t’i çuar përpara reformat që janë urgjentisht të nevojshme në arsim”, thuhet në komunikatën për medie.
Gjithashtu këto organizata kërkojnë që t’i adresojnë këto kërkesa kryeministrit Hoti në shoqëri të miqve ndërkombëtarë dhe kjo sipas tyre duhet të jetë më së largu deri më 30qershor.
“Kërkojmë takim me kryeministrin Hoti për t’i adresuar këto kërkesa në shoqërim të miqve Ndërkombëtarë. Për shkak të urgjencës së problemit kërkojmë që ky takim të ndodhë deri më 30 qershor 2020. Transformimi i arsimit në Kosovë mund të ndodhë vetëm atëherë kur ky është prioritet i gjithë qeverisë, duke filluar nga kryeministri. Me punën tonë shumëvjeçare e kemi dëshmuar përkushtimin për fushën e arsimit dhe mbesim të gatshëm ta bëjmë këtë edhe më tutje. Nëse shohim hapa të shpejtë dhe konkret nga kryeministri drejt kërkesave të lartëpërmendura, mbesim të hapur për të diskutuar se si mund t’i ndihmojmë Qeverisë Hoti në punët e mëdha që e presin në arsim. Në të kundërt, të gjithë ne, pa asnjë dyshim, do të vazhdojmë angazhimet tona për një arsim cilësor duke mos përjashtuar asnjë mënyrë dhe mjet që ofron dhe lejon sistemi demokratik”, thuhet ndër të tjera në komunikatë.
Po ashtu, në këtë komunikatë thuhet se Likaj, nuk përfaqëson etikë akademike dhe profesionale për të qenë në krye të institucionit më të lartë të arsimit.
“Ndonëse SCOPUS i ka përjashtuar për plagjiaturë 1 revistat në të cilat z. Likaj ka publikuar punimet e tij shkencore, ky fakt nuk e ka penguar avancimin e tij brenda univeristetit publik, ashtu sikurse as emërimin e tij në krye të dikasterit më të lartë të arsimit në Kosovë. Ndërsa, z. Bardheci nuk ka asnjë kualifikim apo përvojë adekuate për këtë përgjegjësi. Përveç tjerash, emërimi i tij në këtë pozitë me përgjegjësi ekzekutive paraqet konflikt interesi në raport me organet e universiteteve publike duke qenë se z. Bardheci është ende student i nivelit Bachelor në Universitetin e Prishtinës, mbi të cilin tanimë ka kompetenca ekzekutive”, thuhet në komunikatë.
Në këtë komunikatë thuhet po ashtu se raporti i vitit 2020 i Bankës Botërore thekson se shkalla e analfabetizmit funksional te 15-vjeçarët në Kosovë është deri në 78%, ndërsa, rezultatet e testit ndërkombëtar PISA vënë në pah mangësitë e politikave arsimore, si pasojë e të cilave nxënësit kanë shënuar rezultate të dobëta në fushën e shkencës, leximit dhe matematikës.
“Kësaj situate të mjerueshme tani i është shtuar edhe sfida shekullore e pandemisë. Procese të nisura gjatë kësaj periudhe kanë nevojë për persona adekuat që mundësojnë konsistencë dhe efektivitet në mbarëvajtjen e procesit mësimor. Dalja nga hendeku gjithnjë e më i madh në të cilin gjendet arsimi në Kosovë mund të bëhet vetëm me persona me etikë profesionale, ekspertizë dhe ide të qarta për avancimin e cilësisë në sistemin arsimor të Kosovës”, thuhet ndër të tjera në komunikatë.
Prandaj, duke marrë për bazë të gjitha çështjet e lartëcekura, organizatat dhe aktivistët e shoqërisë civile, kërkojnë që kryeministri Hoti të dëshmojë me vepra se është i përkushtuar për një qeverisje të ndershme dhe kompetente duke:
- Vendosur një ministër/re të Arsimit dhe Shkencës me aftësi dhe integritet të duhur për të udhëhequr këtë ministri strategjike për shoqërinë dhe shtetin e Kosovës;
- Vendosur zëvendësministër/re të Arsimit dhe Shkencës i/e cili/a përfaqëson një standard të kualitetit dhe përkushtimit për t’i mbështetur fuqishëm reformat në arsim;
- Funksionalizuar procesin e vetingut të stafit akademit të universiteteve publike brenda 100 ditëve të para të qeverisë së tij.
Lista e organizatave nënshkruese:
- Admovere
- BIRN Kosova
- CPC – Center for Political Courage
- D4D – Demokraci për Zhvillim
- Education Comes First
- ETEA
- FIQ – Forumi për Iniciativa Qytetare
- KCSF – Fondacioni Kosovar për Shoqëri Civile
- KYC – Kosovar Youth Council
- ORCA
- Sbunker
- Teach for Kosova
- TOKA – Organizata Kosovare për Talent dhe Arsim
Lufta Prigozhin - Putin
Më shumëNga Rubrika
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Kuvendi i Maqedonisë përmbyll mandatin pa miratimin e projektligjit për listat e zeza
Aktivitete nga Serbia për sulm “hibrid” ndaj Kosovës, “Octopus”: Urgjentisht të koordinohen veprimet me ndërkombëtarët
Pse Mali i Zi votoi kundër Kosovës në KiE, flet Dritan Abazoviq
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave
Si do të mund t'i drejtohen kosovarët Gjykatës së Strasburgut?
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
PDK voton kryesinë e re - pësojnë ndryshime në pozita disa prej figurave të njohura të kësaj partie
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes