Shoqata e pacientëve i ka dërguar letër kryeministrit Avdullah Hoti, ku theksojnë se mbulimi universal shëndetësor është një prej Objektivave të Zhvillimit të Qëndrueshëm, ndërsa sipas tyre Kosova është larg realizimit të këtyre objektivave dhe larg mbrojtjes së secilit qytetar të saj.
Siç thuhet në letër, e ku i referohen Raportit të progresit të vitit 2018, 1/3 e popullatës nuk i merr shërbimet e nevojshme shëndetësore, ndërsa 18% e popullatës, për shkak të vështirësive financiare nuk marrin shërbime shëndetësore fare.
“Kjo shtresë e popullatës në kushte ‘normale’ të Kosovës kanë vdekur në heshtje pa u hetuar fare nga sistemi, sot në kushte pandemie, armata e këtyre fatkeqëve vetëm sa është shtuar dhe mjerimi i tyre vetëm sa është thelluar”, thuhet në letër.
Sipas Shoqatës së Pacientëve, rasti i pandemisë COVID-19, ka treguar më së miri që sektori i shëndetësisë nënkupton më shumë se shëndet dhe se investimi në shëndetësi është investim edhe në ekonomi, edukim, etj.
“Kanë kaluar dy dekada nga lufta dhe Kosova po vazhdon ta ketë një sistem shëndetësor të emergjencës së pasluftës. Me gjithë nismat për reformim të sistemit, po bëhen tetë vite nga miratimi i Ligjit për Shëndetësi dhe reforma nuk po fillon. Pacienti ynë nuk e ka të përzgjedhur mjekun e vet sipas ligjit; nuk është implementuar koncepti i mjekësisë familjare, etj. Po bëhen shtatë vite të Ligjit për Sigurime Shëndetësore dhe akoma mbulimi me sigurime nuk shihet në horizont”, thuhet më tej.
Duke u nisur nga këto dhe shumë fakte të tjera, shoqëria civile ka ardhur në konkludim se Kosova duhet të kalojë nga “sistemi shëndetësor i orientuar në sëmundje” në “sistem shëndetësor të orientuar në pacient”.
Në këtë letër ku janë të nënshkruar disa organizata kërkohet që të fillohet pa vonesë reforma në sistemin shëndetësor; të krijohet një sistem që prodhon të dhëna shëndetësore të krahasueshme ndërkombëtarisht, me fokus të veçantë në Sistem të Integruar të Informimit Shëndetësorë (SIISh), Kontabilitet Shëndetësor Kombëtarë (KoSh) dhe Raporte të standardizuara të punës për të gjitha institucionet shëndetësore; të hartohet strategjia kombëtare për shëndetësi (Të themelohet Komiteti Kombëtar për Shëndetësi i cili do të përbëhet nga të gjitha grupet e interesit, përfshi edhe shoqërinë civile).
Po ashtu është kërkuar të përgatiten institucionet shëndetësore dhe Fondi i Sigurimeve Shëndetësore për kontraktim të shërbimeve dhe implementim të Ligjit për sigurime shëndetësore; të fillohet me kontraktim të shërbimeve dhe jo mbledhje të premiumeve, etj.
“Zoti Kryeministër. Jo rastësisht fjalën ‘shnosh’ populli ynë e përdorë shumë shpesh. Pa shëndet nuk i duhet as ekonomia, as kultura, as asfalti, as… as….! Të gjitha të tjerat, pa shëndet, e humbin kuptimin.
Jemi të vetëdijshëm që Ju keni edhe shumë obligime të tjera shtetërore. Por, këto kërkesa, nuk janë kërkesa se ne i duam. Këto janë nevoja të domosdoshme që sistemi shëndetësor të marr një kahje të mbarë. Në të kundërtën, një vend që të zhytë në varfëri vetëm se ti kërkon shërim aty, ai vend bëhet i pajetueshëm. Të thellë duhet ta ketë pasur dëshpërimin postimi i mjekut nga Skenderaj kur shprehet se “Lutem qe fëmijët e mij të mos i zë viti në këtë vend !”.
Ata përmes letrës drejtuar kryeministrit Hoti kanë kërkuar edhe takim për të diskutuar rreth gjendjes shëndetësore në vend. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre