LAJMI I FUNDIT:

Shoferi i një Audie A4 i cili u përplas me një tren në Bullgari u përpoq të thyente xhamin për ta marrë telefonin nga vetura

Shoferi i një Audie A4 i cili u përplas me një tren në Bullgari u përpoq të thyente xhamin për ta marrë telefonin nga vetura

Një shofer i një makine Audi A4 u përplas me një tren në një vendkalim hekurudhor në Bullgari, por ajo se çfarë bëri më pas ai ishte mjaft e çuditshme.

Sedani i zi siç raportohet u godit nga një tren në një vendkalim hekurudhor, ndonëse nuk dihen të gjitha rrethanat e aksidentit, sipas komenteve të përdoruesve në rrjetet sociale, drejtuesi i Audi-s ishte fajtor për aksidentin; ndonëse nuk ka ende raporte policore për ta konfirmuar këtë, transmeton Telegrafi.

E mira e kësaj ishte se askush nuk u lëndua dhe shoferi doli nga automjeti pa lëndime. Megjithatë, ajo se çfarë ndodhi më pas ishte e pashpjegueshme.

Shoferi filloi ta gjuante me gurë xhamin e përparmë të makinës në një përpjekje për ta thyer dhe për të hyrë përsëri në veturë.

Qëllimi kryesor i tij ishte të gjente dhe ta merrte telefonin e tij nga makina që po digjej.

Burri që po filmonte videon e këshilloi atë të ndalojë së kërkuari telefonin e tij.

Në një moment kur makina e rrokullisur u kthye në gjendjen normale, filloi një zjarr edhe më i madh. Por fatmirësisht dy burrat aty arritën ta fikin atë me një fikëse zjarri. /Telegrafi/