Shkelet armëpushimi mes ushtrisë dhe paraushtarakëve sudanez

Një armëpushim 24-orësh që ishte rënë dakord mes ushtrisë sudaneze dhe paraushtarakëve tani më nuk ekziston.

Një dëshmitar në kryeqytetin Khartoum tha për skynews se luftimet kishin vazhduar edhe pse marrëveshja do të hynte në fuqi në orën 18:00.

Dhuna e vazhdueshme ka lënë të vdekur të paktën 185 njerëz që nga e shtuna. Më shumë se 1,800 njerëz janë plagosur, sipas shifrave të Kombeve të Bashkuara, në një konflikt që janë përdorur edhe helikopterët.

Lexo po ashtu Fraksionet rivale dhe ndikimi rajonal - çfarë fshihet pas konfliktit në Sudan?

Sipas Sindikatës së Mjekëve të Sudanit, 144 nga viktimat janë civilë. Ata që jetojnë në qytete, përfshirë kryeqytetin Khartoum, janë detyruar të fshihen në shtëpi, transmeton Telegrafi.

Përplasjet kanë vazhduar pavarësisht thirrjeve nga SHBA-ja dhe të tjerët për të ndaluar, ndërsa Egjipti dhe Emiratet e Bashkuara Arabe ishin përpjekur të ndërmjetësonin një armëpushim.

Kjo vjen pasi një kolonë e veturave e ambasadës amerikane u qëllua në atë që Sekretari amerikan i Shtetit, Antony Blinken e quajti një incident “të pamatur” dhe “të papërgjegjshëm”.

Ai i telefonoi udhëheqësit të Forcave të Mbështetjes së Shpejtë (RSF), gjeneralit Mohamad Hamdan Dagalo, i njohur si Hemedti, dhe gjeneralit Abdel Fattah al-Burhan, presidenti ‘de fakto’ i vendit, për të paralajmëruar se çdo rrezik që vinte për diplomatët amerikanë ishte i papranueshëm.

Lexo po ashtu I vranë 60 anëtarë të familjes, nën kontrollin e tij janë 100 mijë ushtarë dhe disa miniera ari – sudanezi që u bë “mjeshtër” i jetës dhe vdekjes

Tensionet ishin përshkallëzuar pasi ishte prishur një pakt pushteti midis Hemedtit dhe gjeneralit al-Burhan.

Lufta e tyre për kontroll ka prishur një zhvendosje drejt sundimit civil dhe ka ngritur frikën për një konflikt më të gjerë.

Ndërsa ushtria është më e madhe dhe ka fuqi ajrore, RSF-ja është e vendosur gjerësisht brenda lagjeve të Khartoumit dhe qyteteve të tjera, duke i dhënë asnjë fraksioni avantazhin për një fitore të shpejtë. /Telegrafi/