Gazeta më e fuqishme gjermane, Bild, shkarkoi kryeredaktorin e saj të hënën pas muajsh mbrojtjeje të akuzave për marrëdhëniet e tij seksuale me gratë në vendin e punës, derisa skandali filloi të ndikonte te shtëpia botuese që ka në pronësi gazetën, Axel Springer.
Sipas medieve të huaja, përcjell Telegrafi, Bild, një tabloid i qendrës së djathtë ka shkarkuar kryeredaktorin Julian Reichelt, pasi New York Times raportoi për detajet e marrëdhënies së Reichelt me një praktikante, që dëshmoi gjatë një hetimi të pavarur ligjor. Sipas saj, në vitin 2018, ai e kishte thirrur atë në një hotel pranë zyrës për të kryer marrëdhënie intime dhe i kishte kërkuar të mbante sekret pagesën.
Disa orë pasi Reichelt u shkarkua, revista e lajmeve Der Spiegel publikoi akuza se Reichelt kishte abuzuar me pozicionin e tij për të vazhduar marrëdhëniet me disa gra në stafin e tij.
Shkarkimi shënoi ardhjen e vonuar të lëvizjes globale #MeToo në Axel Springer – dhe kjo erdhi derisa kompania gjermane po bën investime të rëndësishme në tregun amerikan, përfshirë blerjen e Politico këtë verë për 1 miliard dollarë.
Axel Springer u përball me presion në SHBA dhe Gjermani për të shpjeguar dy zbulimet e fundit: Çfarë zbuloi hetimi mbi sjelljen e Reichelt dhe se si iu përgjigj hetimit, shefi ekzekutiv, Mathias Dopfner.
Kompania ka thënë në një deklaratë se Reichelt “nuk i kishte ndarë qartë çështjet private dhe profesionale” dhe kishte mashtruar bordin. Dofner, në një deklaratë, vlerësoi gjithashtu Reichelt për udhëheqjen e tij gazetareske dhe për lansimin e Bild-Tv.
Ai gjithashtu ka deklaruar se zëvendësuesi i Reichelt, Johannes Boie, do të kombinonte “përsosmërinë gazetareske me udhëheqjen moderne”.
Reichelt ka mohuar abuzimin me autoritetin e tij dhe nuk iu përgjigj e-mailit për koment.
Çfarë dihet për rastin?
Reichelt ishte përfshirë në një marrëdhënie me një grua e cila ishte praktikante dhe asokohe ai ishte 36-vjeçar derisa ajo ishte 25 vjeçe.
“Nëse e kuptojnë se jam duke pasur aferë me një praktikante, do të humbas punën”, Julian Reichelt, i kishte thënë asaj në nëntorin e vitit 2016, sipas dëshmisë së saj që iu tha hetuesve të kompanisë që u punësua të hetojë çështjet e kompanisë.
Pas kësaj edhe një grua tjetër ka deponuar një ankesë për ngacmim seksual kundër kryeredaktorit.
Këto deklarata u nxorën nga një intervistë e kryer në pranverë nga firma juridike e mbajtur nga Axel Springer për një hetim që u mbyll shpejt.
Reichelt, siç kishte frikë, nuk e humbi punën kur marrëdhënia e tij me praktikante, si dhe sjellja e tij ndaj grave të tjera në Bild, u bënë publike. Në vend të kësaj, z. Reichelt, i cili mohoi abuzimin me autoritetin e tij, mori një leje të shkurtër dhe më pas u rikthye si kryeredaktori pasi kompania përcaktoi se veprimet e tij nuk garantonin një shkarkim. /Telegrafi/
Lufta Prigozhin - Putin
Më shumëPse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Zelensky paralajmëron për një "Çernobil të dytë"
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Franca dhe Gjermania nënshkruajnë marrëveshjen miliarda euroshe mbi një projekt armësh
SHBA fillon ndërtimin e bazës lundruese në brigjet e Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre