Shërbimi gjeorgjian i Inteligjencës (SSG) ka publikuar raportin e saj për vitin 2020, duke përshkruar sfidat kryesore me të cilat përballet vendi, si dhe masat e përdorura për ta mbrojtur atë nga kërcënimet.
Agjencia thotë se pushtimi rus i Abkhazisë dhe rajonit të Osetisë së Jugut mbetet kërcënimi kryesor gjatë këtij viti, ndërsa “aktivitetet nga shërbimet e inteligjencës së vendeve të huaja në dëm të interesave kombëtare të Gjeorgjisë” përbënin një kërcenim tjetër.
Raporti thotë se militarizimi i vazhdueshëm nga forcat ruse në rajonet e okupuara që “dëmton mjedisin e sigurisë në terren”, përbën “kërcënim rajonal dhe sfidë ndërkombëtare”.
Sipas SSG-së, Rusia ka përparuar drejt aneksimit të rajoneve të pushtuara, e cila përfshinte nënshkrimin e Programit e Përbashkët Social-Ekonomik “në mes të Moskës e Sokhumit dhe rishfaqja e pretendimeve territoriale ruse në fshatin Aibga”.
Si pjesë e okupimit, Rusia përdori mjete të luftës hibride që synojnë “diskreditimin e institucioneve shtetërore gjeorgjiane, nxitjen e nihilizmit dhe qëndrimeve pesimiste në shoqëri dhe krijimin e pengesave në rrugën e vendit drejt integrimit euro-atlantik, të shoqëruara nga fushata e dezinformimit dhe lajmeve të rreme”.
Sfidat rajonale
Agjencia e Sigurisë njofton se shërbimet e huaja të inteligjencës u përpoqën të ndërhyjnë “direkt ose indirekt” në proceset e brendshme politike dhe jetën shoqërore të Gjeorgjisë, “për të prishur rendin kushtetues, për të krijuar çrregullime, për të shkundur themelet e shtetit dhe format e qeverisjes, për të penguar funksionimin e sistemeve institucionale të vendit dhe për të kufizuar ato për t’u zhvilluar”.
“Kishte përpjekje aktive për të ndikuar në procese të rëndësishme përmes manipulimit të opinionit publik, ndarjes dhe polarizimit të popullsisë”, shton raporti.
Duke përdorur mjete të ndryshme të “dezinformimit dhe propagandës”, shërbimet e huaja të inteligjencës vazhduan “mbjelljen e mosbesimit” te publiku ndaj partnerëve perëndimorë, duke zvogëluar vlerat demokratike dhe duke përhapur “pikëpamjet që u përshtaten interesave të vendeve të veçanta”.
Dokumenti emërton si një sfidë të veçantë rajonale, konfliktin ushtarak midis Armenisë dhe Azerbajxhanit, kur “grupet e interesit” u përpoqën të “tensiononin situatën” midis azerbajxhanasve etnikë dhe armenë të vendit dhe të shpërndanin konfliktin në territorin gjeorgjian.
“Duke pozicionuar forcat ushtarake në Nagorni-Karabakh, Rusia përpiqet të konsolidojë levat ushtarako-politike dhe ekonomike të ndikimit mbi rajonin”, paralajmëron agjencia, duke theksuar se kjo mund të “ndikojë ndjeshëm në mjedisin e sigurisë së rajonit”.
Lufta hibride dhe dezinformimi
“Kërcënimet hibride” që vijnë nga vendet e huaja dhe shërbimet e tyre të inteligjencës, duke përdorur dezinformimin, “fuqinë e butë” dhe operacionet klandestine, ushtruan “ndikim thelbësisht negativ” në mjedisin e sigurisë.
Sipas raportit, shtetet e huaja “periodikisht përpiqen të ushqejnë mosmarrëveshje midis grupeve të ndryshme etnike, fetare ose shoqërore”, ndërsa “grupe të caktuara” përhapin pikëpamje radikale “ndaj pakicave etnike dhe fetare duke apeluar në” motive patriotike”.
Kishte “përpjekje aktive” gjatë gjithë vitit të fundit për të ndikuar në “grupe të ndryshme të publikut gjeorgjian”, si dhe procese të rëndësishme përmes “përdorimit të koordinuar dhe të përbashkët” të aktiviteteve klandestine dhe mjeteve të dezinformimit”.
Siguria kibernetike dhe terrorizmi
Sulme të shumta kibernetike janë kryer kundër “sistemeve kritike të informimit publik”, duke kujtuar sulmin e muajit shtator 2020 ndaj Ministrisë së Shëndetësisë që çoi në rrjedhjen e dokumenteve që lidhen me menaxhimin e pandemisë COVID-19. Sulmi u parapri nga “fushata të intensifikuara dezinformuese dhe procese shkatërruese” krahas pandemisë, duke përfshirë deklarata nga forcat pushtuese ruse dhe përfaqësues të regjimeve de-facto të territoreve të okupuara.
Sa i përket kërcënimeve terroriste, raporti thotë se nuk kishte pika të nxehta të identifikuara për përhapjen e ideologjive. /Telegrafi/
Lufta Prigozhin - Putin
Më shumëNga Rubrika
SHBA po përgatit një paketë të re ndihme ushtarake prej 6 miliardë dollarësh për Ukrainën
Më shumë se gjysma e popullsisë së botës rrezikohet nga sëmundjet e përhapura nga mushkonjat, paralajmërojnë ekspertët
Çfarë dihet për varrezat masive në Gaza dhe çfarë ka ndodhur me ato të zbuluara në vende të tjera më parë?
A e ka fituar Ukraina fuqinë për të degraduar forcat ruse me raketat e reja amerikane?
Mbretëria e Bashkuar do ta furnizojë Ukrainën me bomba me laser që mund të godasin "objektivat e buta" ruse
Çfarë dihet për varrezat masive në Gaza dhe çfarë ka ndodhur me ato të zbuluara në vende të tjera më parë?
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Shtyhet votimi në OKB për rezolutën për gjenocidin në Srebrenicë
Lukashenko: Në Bjellorusi janë vendosur dhjetëra armë bërthamore ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre