Shefja e dizajnit industrial të Apple do të largohet nga kompania, tre vjet pas largimit të ish-shefit Jony Ive

Shefja e dizajnit industrial e cila së fundmi mbikëqyri dizajnin e produkteve si iPhone, Apple Watch dhe kompjuterëve Mac po largohet nga kompania.

Evans Hankey ishte një nga 2 personat e ngritur në detyrë për të mbikëqyrur ekipin e dizajnit pas largimit në qershor të vitit 2019 të dizajnerit të kamotshëm të produktit, Jony Ive. Apple për CNN tha se Hankey do të mbetet në kompani edhe për një periudhë të përkohshme.

“Ekipi i dizajnit të Apple i bënë bashkë ekspertët krijues nga e gjithë bota dhe nga shumë disiplina të ndryshme për të dizajnuar produktet që janë padyshim të markës Apple”, tha një zyrtar i Apple, transmeton Telegrafi.

“Ekipi i lartë i dizajnimit ka udhëheqës të fortë. Evans planifikon që të qëndrojë këtu deri sa ne punojmë drejt tranzicionit, dhe ne do të donim që ta falënderojmë atë për lidershipin dhe kontributin e saj”, shtoi tutje ai.

Ky largim, vije në një kohë kur shumë nga produktet më të njohura të Apple kryesisht po marrin përditësime në dizajn përderisa produktet e shumë përfolura, si për shembull kufjet e realitetit të përzier – një pajisje e cila thuhet se do të jetë i aftë edhe për realitetin virtual edhe për atë të shtuar.

Hankey e morri detyrën pasi që Ivy u largua për ta filluar kompaninë e tij të dizajnit, LoveFrom. Apple kishte thënë se ata do të bëhen klientë të tij, por u raportua se ata kishin ndërprerë bashkëpunimin gjatë këtij viti.

Apple akoma nuk e bërë publike se kush do të jetë zëvendësimi i Hankey. /Telegrafi/