Shefi i spiunazhit të Rusisë filloi të belbëzonte ndërsa Putini kërkoi nga ai ‘të ishte i drejtpërdrejt’ rreth dekretit për dy rajonet në Ukrainën lindore

Kreu i shërbimit të spiunazhit të Rusisë është gjendur në një situatë jo të lehtë, madje duke belbëzuar fjalët e tij ndërsa presidenti rus Vladimir Putin insistonte që ai të përgjigjej rreth asaj nëse ai e mbështeste vendimin për të njohur dy rajone separatiste të mbështetura nga Kremlini në Ukrainë si shtete të pavarura.

Sipas mediave të huaja, përcjell Telegrafi, një video tregoi shkëmbimin e fjalëve në mes Putinit dhe Sergei Naryshkin, shefit të Shërbimit të Inteligjencës së Jashtme të Rusisë, në një takim të këshillit të sigurisë të hënën, gjatë të cilit Putini pyeste një nga një secilin prej anëtarëve.

Dhe Naryshkin duket se kishte probleme në të shprehur qartazi nga fjalët e tij ndërsa Putini e ndërpret atë disa herë.

Sipas The Guardian, Putin po i bënte presion Naryshkinit nëse ai mbështeste njohjen e Donetskut dhe Luhanskut si shtete të pavarura dhe jo si pjesë të Ukrainës.

Since I haven't found an English version online, I've added subtitles to Putin's humiliation of his spy chief during today's grotesque security council meeting in the Kremlin. pic.twitter.com/bFx25nWzTK

— Peter Liakhov (@peterliakhov) February 21, 2022

Dhe madje Putini insistoi dy herë Naryshkinin për të “folur drejtpërdrejt!”

Naryshkin u përgjigj se ai mbështeti rajonet që “të bëheshin pjesë e Rusisë”, duke e shtyrë Putinin t’i thoshte atij se kjo nuk po diskutohej aktualisht dhe se njohja e tyre si shtete të pavarura ishte e vetmja gjë që po shqyrtohej aktualisht.

Ndryshe, disa orë pas takimit, Putin mbajti një fjalim të gjatë në të cilin njoftoi se Rusia po njihte Donetsk dhe Luhansk si shtete të pavarura dhe urdhëroi trupat ruse të futeshin në rajonet përkatëse.

Një veprim i tillë i tij u ndoq me dënimin e shpejtë nga Perëndimi, me Shtëpinë e Bardhë që vendosi sanksione ndaj rajoneve menjëherë pas kësaj. /Telegrafi/