Shefi i BE-së mbështet ministrin Murati: Vendim i duhur publikimi i listës së bizneseve që përfituan më së shumti

Shefi i Zyrës së BE-së në Kosovë, Tomas Szunyog e ka quajtur vendim të duhur publikimin e listës së bizneseve që kanë përfituar më së shumti nga Pako e Rimëkëmbjes Ekonomike.

Szunyog përmes një postimi në Twitter, ka thënë se e mbështet vendimin e ministrit të Financave, Hekuran Murati i cili bëri publike këtë listë.

Lexo po ashtu Murati publikon listën e bizneseve që përfituan më së shumti nga Pakoja e Rimëkëmbjes që u shpërnda nga Qeveria Hoti

Ai e ka quajtur si hap pozitiv drejt transparencës dhe llogaridhënies.

“Mbështes vendimin e Hekuran Muratit për publikimin e listës me 50 përfituesit më të mëdhenj të fondeve publike të Kosovës. Një hap pozitiv drejt transparencës dhe llogaridhënies. Ky është një kusht me të cilin BE-ja u pajtua me Kosovën kur u nënshkrua marrëveshja e huasë për ndihmë makro financiare prej 100 milionë eurosh”, ka shkruar Szunyog.

Shefi i BE-së, më tej ka thënë  se masat ndihmëse duhet t’i kenë në fokus audiencat e duhura, të jenë të mirëdizajnuara dhe të jenë transparente. /Telegrafi/

I support @HekuranMurati decision to publish the list of 50 largest beneficiaries from Kosovo public funds. A positive step towards transparency and accountability. This is a condition EU agreed with Kosovo when €100 million Macro Financial Assistance loan agreement was signed.

— Ambassador Tomáš Szunyog (@EUAmbKS) April 23, 2021