Xherdan Shaqiri thotë se e ka pasur të vështirë përshtatjen te Interi për shkak se trajneri i klubit vazhdimisht ndryshonte formacionin e lojës.
Anësori reprezentues i Zvicrës iu bashkua Interit në janar të 2015-ës nga Bayerni, por aty qëndroi vetëm gjysmë sezoni duke kaluar në Stoke City.
“Ishte eksperiencë e mrekullueshme që më lejoi të mësoj si është jeta dhe futbolli në Itali”, ka thënë ai për “Tageswoche”, transmeton koha.net.
“E kisha të vështirë sepse Roberto Mancini vazhdimisht e ndryshonte formacionin dhe erdha në konkludimin se më mirë do të ishte të ndryshoja ekipin. Jam i lumtur për eksperiencën që zgjati gjashtë muaj, Stoke është ndryshe, nuk je ditë për ditë në gazeta dhe më pëlqen që ushtroj në qetësi”, ka shtuar lojtari.
