LAJMI I FUNDIT:

Sfidat dhe përgjegjësia e mediave në gjuhën serbe në Kosovë, flasin Zulfija Jakupi e Isak Vorguçiq

Sfidat dhe përgjegjësia e mediave në gjuhën serbe në Kosovë, flasin Zulfija Jakupi e Isak Vorguçiq

Në episodin e tetë në “Përballje Podcast” është diskutuar roli, përgjegjësia, raportimi dhe situata e mediave edhe tek komunitetet në Kosovë, ata serbë, boshnjakë, turq, etj.

A ka raportime në baza e vija etnike dhe si kjo ndikon ndërmjet komuniteteve në Kosovë?

Çfarë mund të bëhet për të përmirësuar ambientin e besimin medial? A mund të ketë iniciativa e dialog konkret që do të ndikonin në ndaljen e dezinformatave dhe gjuhës së urrejtjes?


Për të diskutuar në këto tema mysafirë janë: Isak Vorguçiq nga “RTV KIM” dhe Zulfije Jakupi, gazetare e redaksisë së gjuhës serbe në Radio Kosova.

Gazetarja me përvojë të gjatë në mediat e Kosovës në gjuhën serbe dhe ish- korrespodente e DW thotë se ka dallime drastike nga koha kur ka nisur ajo punën me atë që ndodh sot.

“Unë jam nga 2000-ta në gazetari, pra në Kosovë, e atëherë, kur unë kam filluar me gazetarinë, kemi pasur tejet shumë misione ndërkombëtare që kanë udhëhequr me Kosovën, kemi pasur Misionin e OSBE-së që ngushtë ka mbikëqyrur punën e mediave, pra ka pasur llogaridhënie për secilën fjalë që është thënë. Natyrisht, ajo periudhë e pasluftës është përqendruar tek mundësia që të informohen njerëzit mbi atë se çfarë ka ndodhur gjatë luftës, si dhe për atë se si do të shkojë më tutje Kosova”, ka thënë ajo.

Zulfija Januzi në “Përballje Podcast”.

Sipas saj, sot ka disa tema të tjera, por vazhdohet të përjetohen disa tensione, së paku kur dëgjohen mediat.

“Nuk duhet të nënkuptohet që e njëjta gjendje vlen edhe në terren, apo jo gjithmonë, sigurisht që disi mediat nganjëherë edhe i nxisin ato tensione midis komuniteteve, që jo gjithmonë, po e them, mund të jetë edhe realiteti në terren. Pra, ka ndryshuar mënyra e punës edhe në kuptimin teknologjik, tash kemi telefona të mençur, tepër shpejt arrijnë informatat në redaksi, kemi edhe rrjetet sociale që kanë dëmtuar shumë, mund ta them, profesionin e gazetarisë, apo gazetarinë në përgjithësi”, ka thënë ajo në “Përballje Podcast” me kryeredaktorin Muhamet Hajrullahu shkruan Telegrafi.

Në anën tjetër Isak Vorguçiq nga “RTV KIM” thotë se ky medium lokal në gjuhën serbe ka kaluar tashmë 24 vjet prej kur ka filluar operimin në vitin 2000.

“Ideja e themelimit ka qenë që të ofrohen informata të pavarura mbi zhvillimet në Kosovë, nga një media kosovare në gjuhën serbe. Në atë kohë gjithsesi që kanë qenë më të pranishme mediat nga Serbia, pra njerëzit kanë dëgjuar informatat që kanë ardhur nga atje, si dhe nuk kanë qenë aq të zhvilluara mediat e Kosovës në gjuhën serbe. Kemi pasur Radio Prishtinën, e cila e ka hapur një redaksi në Graçanicë, e cila punon edhe sot, por si ta them, nuk e konsideroj gazetari e pavarur, ekzistojnë ndikime të ndryshme”, ka thënë ai.

Isak Vorguqiç në “Përballje Podcast”

Sipas tij, ideja ka qenë që të bëjnë diçka që do të ishte e pavarur.

“Para 20 e më shumë vitesh, në vitet 2000, dallimi sipas meje është në atë që ka pasur më shumë njerëz, gazetarë, në dispozicion, por edhe njerëz që kanë pasur deponim që të merren me gazetari, apo të mësojnë për gazetarinë, para se gjithash në redaksitë informative, jo argëtuese. Ajo që kemi sot është një deficit i madh”, ka thënë ai.

Vorguçiq thotë se sot ka deficit në aspektin e gazetarisë.

Zulfije Jakup, Isak Vorguçiq dhe Muhamet Hajrullahu gjatë realizimit në “Përballje Podcast”

“Është tejet vështirë të gjendet dikush që dëshiron të merret me gazetari, pra nuk është më, do ta thosha unë, profesion i popullarizuar, e në fund të fundit, e shihni që nuk është vetëm tek mediat në serbisht, shumë gazetarë shqiptarë kanë kaluar në institucione, në politikë etj etj”, tha ai, shkruan Telegrafi.

Në këtë seri të tetë episodeve të para të podcastave janë diskutuar tema për dezinformimin, keqinformimin, edukimin medial, qëndrueshmërinë e mediave, raportimin në baza etnike etj.

“Përballje Podcast” është realizuar me mbështetjen e Institutit Kombëtar Demokratik (NDI) dhe Agjencisë së Shteteve të Bashkuara për Zhvillim Ndërkombëtar (USAID), në Kosovë. Opinionet e shfaqura në këtë podcast nuk pasqyrojnë domosdoshmërish pikëpamjet dhe qëndrimet e NDI dhe USAID. /Telegrafi/

Në trend Lajme

Më shumë
Hoxhaj: Kriminelët serbë nga veriu i Kosovës, të përfshirë në planet e vrasjes së Gjukanoviqit

Hoxhaj: Kriminelët serbë nga veriu i Kosovës, të përfshirë në planet e vrasjes së Gjukanoviqit

Lajme
Sveçla dënon sulmin që ndodhi në një lokal në veri: Rendi e ligji do të triumfojnë me çdo kusht mbi terrorin

Sveçla dënon sulmin që ndodhi në një lokal në veri: Rendi e ligji do të triumfojnë me çdo kusht mbi terrorin

Lajme
Këto janë 10 plazhet më të bukura shqiptare sipas revistës

Këto janë 10 plazhet më të bukura shqiptare sipas revistës "Condé Nast Traveler"

Lajme
Jo temperaturat, por çmimet 'përvëluese' boshatisin plazhet në Shqipëri

Jo temperaturat, por çmimet 'përvëluese' boshatisin plazhet në Shqipëri

Lajme
Haradinaj: Gjithçka që ndërton Kurti është në themelet e tjetërkujt

Haradinaj: Gjithçka që ndërton Kurti është në themelet e tjetërkujt

Lajme
Temperaturat deri 39 gradë Celisus në javën e tretë të korrikut, IHMK bën apel për kujdes

Temperaturat deri 39 gradë Celisus në javën e tretë të korrikut, IHMK bën apel për kujdes

Lajme
Kalo në kategori