LAJMI I FUNDIT:

Serwer: Dhuna në Kuvend është pasqyrë e keqe për Kosovën

Serwer: Dhuna në Kuvend është pasqyrë e keqe për Kosovën

Analisti amerikan, Daniel Serwer në një intervistë dhënë për RTK-në në lajmet e fundit, e konsideron si pasqyrë të keqe dhunën e në Kuvendin e Kosovës. Ai tha se ajo që ka ndodhur të enjten e dëmton tempullin e demokracisë në Kosovë.

“Ka ndodhur shpesh në shumë demokraci, madje ka ndodhur edhe në Shtetet e Bashkuara para 50 vitesh, por nuk pasqyron mirë. Vetëm e dëmton Kosovën dhe shtetin e Kosovës”, ka deklaruar Serwer.

Analisti amerikan, që është njohës i mirë i politikave në Ballkan është deklaruar edhe për çështjen e veriut dhe deeskalimin e situatës atje.

“Pikëvështrimi im është se deeskalimi është shumë i rëndësishëm të bëhet, por duhet të bëhet nga të gjitha palët dhe çfarë po kërkon BE është shumë e njëanshme dhe më duket që ka kërkesa që duhet bërë edhe ndaj Serbisë gjithashtu”, tha ai.

Në pyetjen se a ka rrethana të mbahen zgjedhjet në veri, Serwer tha se nuk do të kishte fare kuptim mbajtja e zgjedhjeve nëse serbët përsëri i bojkotojnë ato.

“Duhet të jemi të sinqertë, serbët e Kosovës janë nën kontrollin e Beogradit. Pra, duhet bërë kërkesë edhe nga Beogradi që të zotohet që të inkurajojnë serbët e Kosovës që të marrin pjesë në zgjedhje. Unë nuk e kam parë ende këtë duke ndodhur”, tha ai.

Përleshje fizike në Kuvend mes deputetëve të PDK-së dhe ministrave
Lexo po ashtu Përleshje fizike në Kuvend mes deputetëve të PDK-së dhe ministrave

Analisti amerikan foli edhe për raportet ndërmjet Kosovës e BE-së, për të cilat ai tha se janë të këqija. “Por, është më se e qartë se Kosova duhet t’i përmirësojë marrëdhëniet e veta me Uashingtonin dhe Brukselin dhe i kisha inkurajuar autoritetet në Kosovë që të jenë të vëmendshme ndaj kësaj nevoje. Kosova është vend i vogël, që ka fqinjë armiqësorë dhe ka nevojë për miq”, tha Serwer.

Ai po ashtu foli edhe për raportet e ndërkombëtarëve në relacion me Serbinë, duke i konsideruar si të tepruara.

“Mendoj që Perëndimi po e tepron me tërheqjen e Serbisë dhe duke fituar shumë pak nga ajo. Mendoj se janë dy shkaqe për këtë, e para është që diplomatët amerikanë kanë premtuar se mund ta sjellin Serbinë në Perëndim, e që unë mendoj që është e pamundur me personat siç është Vulini. Është po ashtu edhe për shkak të asaj se Serbia ka lejuar që një pjesë e municionit të shkojë në Ukrainë. Unë mendojë që është një arsye e papranueshme”, tha Serwer.

Në pyetjen se a janë dëmtuar raportet diplomatike ndërmjet Kosovës e SHBA-së sa i përket koordinimit për veriun, ai tha se këto raporte janë “dëmtuar”.

“Duket se ka shumë diplomatë amerikanë dhe evropianë që ankohen për mos-koordinim nga Kosova. Nuk e di se çka ka ndodhur saktësisht, por është e qartë se marrëdhëniet me Evropën dhe SHBA-në janë dëmtuar. Kosova është një vend i vogël dhe nuk mund t’ia dalë të navigojë nëpër botë e vetme, i duhen miqtë”, tha edhe njëherë Serwer.


Në trend Lajme

Më shumë
A e rekomandoi ambasada e Kosovës një kosovar të pranojë dokumentet e Serbisë? MPJ deklarohet për rastin

A e rekomandoi ambasada e Kosovës një kosovar të pranojë dokumentet e Serbisë? MPJ deklarohet për rastin

Mirjeta Hajzeraj
Vuçiq tha se Tajvani është Kinë, reagon Serwer: Kjo tregon se dëshiron të mbajë hapur opsionin ushtarak në Kosovë

Vuçiq tha se Tajvani është Kinë, reagon Serwer: Kjo tregon se dëshiron të mbajë hapur opsionin ushtarak në Kosovë

Lajme
I riu që u godit për vdekje në Prishtinë ishte nga Deçani, Ramosaj shprehet i tronditur

I riu që u godit për vdekje në Prishtinë ishte nga Deçani, Ramosaj shprehet i tronditur

Lajme
Deputeti ukrainas porosi për Kosovën: Armatosuni, askush nuk ju mbron

Deputeti ukrainas porosi për Kosovën: Armatosuni, askush nuk ju mbron

Lajme
Kosova dhe Serbia në Bruksel diskutojnë për dinarin

Kosova dhe Serbia në Bruksel diskutojnë për dinarin

Lajme
Vaktia e Ramazanit 2024

Vaktia e Ramazanit 2024

Lajme
Kalo në kategori