Sërish e pyesin Ancelottin për Viniciusin dhe Arabinë Saudite, por italiani jep përgjigje perfekte

Carlo Ancelotti ka mbajtur një konferencë për shtyp para ndeshjes kundër Osasunas, e cila është planifikuar të shtunën në orën 16:15.

Ai foli për një temë që aktualisht është një nga më kryesoret në qarqet e Realit, e cila është largimi i mundshëm i Vinicius Junior në Arabinë Saudite.

“Jam lodhur nga kjo histori? Po. Jam i shqetësuar? Jo. A e shoh të lumtur? Po. Dhe ne jemi të kënaqur me të”, deklaroi Ancelotti.

“Nuk kam asgjë për të shtuar më shumë nga ajo që kam shtuar më parë… ose dy javë më parë. Kjo është një temë që flitet jashtë, jo këtu. Unë e shoh Vinicius me shumë dëshirë. Dhe kjo dëshmon gjithçka. Shumë dëshirë për të bërë gjërat në lojën e fundit, si shembull”.

“Dhe unë mendoj se ai do të vazhdojë të bëjë mirë, sepse ka filluar të jetë në formë të mirë fizike pas lëndimeve të tij, e shoh shumë të motivuar dhe mbi të gjitha për shkak të asaj që bëri në ndeshjen kundër Cityt, ku ishte nën presion të madh dhe e mbajti veten shumë mirë, ai gjithashtu bëri një ndryshim”, potencoi më tej strategu italian.

Lexo po ashtu Ancelotti konfirmon rikthimin e tre yje të Real Madridit për ndeshjen kthyese me Man Cityn

Ai u pyet gjithashtu nëse ai mendon se braziliani dëshiron të kalojë të gjithë karrierën e tij në Real.

“Nuk e di nëse ka marrë oferta apo ka ndryshuar mendje. Mund t’ju them vetëm atë që shoh. Dhe ky është një lojtar i lumtur, i etur për të bërë gjërat mirë dhe për të bërë histori me këtë klub. Asgjë më shumë”, shtoi tutje Ancelotti. /Telegrafi/