Deklarata e emisarit amerikan për Ballkanin Perëndimor, Gabriel Escobar, se Serbia ka pasur lidhje me sulmin e grupit të Milan Radoiçiqit më 24 shtator të vitit 2023 në veri të Kosovës, ka nxitur reagimet e disa deputetëve gjermanë dhe analistëve perëndimorë.
Emisari amerikan Escobar ka thënë të premten se SHBA mendon se ka pasur disa lidhje financiare dhe organizative, “por ne po e hetojmë atë plotësisht. Por, për sa i përket krimit që është kryer, mendoj se hetimi është bërë me kompetencë nga Policia e Kosovës”.
“Nuk kishim nevojë të bënim një hetim. Ne kishim inteligjencë dhe rezultatet e hetimit janë shumë afër me atë që kemi kuptuar. Pra, ne nuk po i kërkojmë Serbisë një hetim lidhur me atë që ka ndodhur më 24 shtator. Ne po kërkojmë përgjegjësi”, ka theksuar Escobar në një intervistë për REL.
Kryetari i Nismës Evropiane për Stabilitet, austriaku Gerald Knaus, duke komentuar deklaratën e Escobar, tha se paramilitarët që synojnë të vrasin nuk duhet të gëzojnë imunitetin e asnjë shteti anëtarë të Këshillit të Evropës.
“Kjo është një çështje e madhe e shtetit ligjor. Paraushtarakët që synojnë të vrasin nuk duhet të gëzojnë imunitet të asnjë shteti anëtar të Këshillit të Evropës. Pasi kjo do t’i inkurajonte ata ta bënin përsëri”, ka shkruar Knaus, në një postim në rrjetin social X.
👇🇽🇰🇷🇸🇪🇺
This is a big rule of law issue. Paramilitaries that set out to kill should not enjoy immunity in any @coe member state.
As this would encourage them to do it again. @ABaerbock @ToniHofreiter @max_lucks @nouripour @erionveliaj @ditmirbushati @VSurroi https://t.co/ght6TfWUU7
— Gerald Knaus (@rumeliobserver) March 15, 2024
Ndërkohë deputeti gjerman i Parlamentit Evropian, Reinhard Butikofer, ka cituar deklaratën e emisarit amerikan Gabriel Escobar, që ka të bëjë me përgjegjësinë e Serbisë për sulmin terrorist në Banjskë
“Escobar konfirmon ‘disa lidhje financiare dhe organizative’ midis shtetit serb dhe sulmeve në Banjskë. Për masat kundër Republikës së Serbisë (thotë) ‘Nuk mund të komentoj për këtë tani’. I pyetur sa kohë do të prisni që Republika e Serbisë të arrestojë Radoiçiqin? ‘Më lejoni të komentoj për këtë më vonë’”, ka shkruar Butikofer në rrjetin social X.
Edhe eksperti amerikan për çështjet e Ballkanit, Daniel Serwer, ka komentuar deklaratën e emisarit amerikan.
“U deshën 6 muaj, por më mirë vonë se kurrë”, ka shkruar Serwer, duke iu referuar deklaratës së Escobar, transmeton Telegrafi.
Ndryshe, Agjencia e Inteligjencës së Shteteve të Bashkuara në një raport të publikuar të hënën, ka paralajmëruar se mund të ketë një kërcënim në Ballkanin Perëndimor – pra rajoni mund të jetë epiqendër e dhunës ndëretnike.
Raporti i referohet ngjarjeve të fundit, si sulmi i armatosur në Banjskë ku mbeti i vrarë polici i Kosovës Afrim Bunjaku, dhe tensionet e muajit maj 2023, ku përleshjet mes KFOR-it dhe protestuesve serbë në veri të Kosovës lanë të plagosur dhjetëra ushtarë të forcave paqeruajtëse. /Telegrafi/
Lufta Prigozhin - Putin
Më shumëProkuroria jep detaje për plagosjen e katër personave në Lupç të Podujevës
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Nuk dihet gjendja shëndetësore e katër të plagosurve në Lupç, shumë policë te hyrja në Emergjencë
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës