Sekrecionet ngjyrë kafe gjatë shtatzënisë: Ndonjëherë kjo është normale, por një gjë tregon gjithmonë probleme

Në shtatzëninë e hershme, një sasi e vogël e rrjedhjes së lehtë është shumë e zakonshme dhe normale, nuk ka arsye për t’u shqetësuar për këtë

Megjithatë, sekrecionet më të errëta që kanë një erë të pakëndshme ndonjëherë mund të tregojnë një problem.

Në çdo rast, duhet t’i tregoni mjekut tuaj që të kontrollojë nëse gjithçka është në rregull, transmeton Telegrafi.

Kur janë normale sekrecionet kafe?

Sasi të vogla të sekrecioneve kafe janë normale, veçanërisht në fazat më të hershme të shtatzënisë. Është gjithashtu normale që kjo të ndodhë pas marrëdhënies seksuale.

Pse shfaqen më shpesh sekrecionet kafe?

Një ndryshim në pH të vagjinës mund të çojë në një rrjedhje që do të ketë ngjyrë kafe. Kjo nuk duhet t’ju shqetësojë, sepse rregullohet vetë. Te shtatzënat, kjo mund të ndodhë edhe pas aktivitetit fizik.

Nëse ky sekrecion ka një erë të pakëndshme dhe gjithashtu ndjeni kruajtje ose ndjesi shpimi gjilpërash, mund të tregojë:

▪ infeksione (seksuale të transmetueshme)
▪ abort spontan
▪ shtatzëni ektopike (ndoshta do të vëreni gjak si dhe dhimbje barku)
▪ infeksioni i qafës së mitrës

Nëse kjo shoqërohet me gjakderdhje të madhe, veçanërisht në shtatzëninë e mëvonshme, ekziston rreziku i lindjes së parakohshme ose probleme me placentën.

Në çdo rast, kur vëreni sekrecione ose gjak më të errët, veçanërisht nëse ka një erë të pakëndshme dhe ndjeni dhimbje dhe ngërçe në stomak, është e rëndësishme të informoni mjekun, të kontrollojë se çfarë është dhe t’ju referojë trajtimin nëse është e nevojshme. /Telegrafi/