Kandidati për deputet të Kuvendit të Kosovës nga radhët e PSD-së, Dardan Sejdiu ka thënë se 6 tetori po afrohet dhe qytetarët duhet të vendosin se çfarë drejtimi do të ketë Republika për katër vitet e ardhshme.
Sejdiu përmes një shkrimi të bërë për media, ka shkruar se Kosova ka nevojë për një qeverisje me program të qartë dhe me njerëz me kompetencë profesionale, për qeveri që ka guxim, dije dhe përkushtim, transmeton Telegrafi.
Në shkrimin e bërë, Sejdiu ka thënë se aty ku kanë pasur hapësirë kanë vendosur dhe vepruar drejtë, për interes të qytetarëve, siç ka shkruar ai përtej egove personale dhe partiake.
Shkrimi i plotë:
“Tashmë jemi më afër 6 tetorit. Ditës kur duhet të vendosim se çfarë drejtimi do të ketë Republika jonë për katër vitet e ardhshme. Kosovën e cila ka pasur arritje të caktuara, por që është ende larg nevojave elementare.
Njëzet vjet pas çlirimit dhe mbi dhjetë vjet pas pavarësimit, Kosova është pa liberalizim të vizave dhe nuk e ka përmbyllur ende sovranizimin e saj të brendshëm dhe të jashtëm. Madje sot po i kërcënohet edhe cenimi i integritetit të saj territorial. Me një numër të lartë të papunësisë dhe me punëtorë që punojnë shumë e paguhen pak, me arsim dhe shëndetësi jocilësore – sidomos për më të varfërit, me sistem të drejtësisë pa resurse të mjaftueshme dhe nën presion të politikës, me shoqëri të ndarë në vija etnike, me pensione të vogla dhe me skema sociale pothuajse të rrënuara; Kosova ka nevojë për një qeverisje me program të qartë dhe me njerëz me kompetencë profesionale. Për qeveri që ka guximin, dijen dhe përkushtimin. Për një Republikë qytetare dhe demokratike, për shtet zhvillimor dhe shtet të së drejtës.
Ky është modeli për të cilin angazhohem prej se kam hyrë në politikë aktive. Modeli që besoj. Për këtë model kam kritikuar, kundërshtuar dhe protestuar nga pozita e opozitarit përgjatë gjithë këtyre viteve. Në Kuvend dhe jashtë tij. Mijërat kilometra dhe orë të angazhimit tim i kam bërë për shkak të besimit që kemi nevojë jo vetëm për një qeverisje ndryshe, por sidomos për një qeveri që mundet dhe di. Kjo nuk bëhet vetëm me ndryshim emrash dhe dikursesh. Nuk mjafton të tingëllojmë më bukur dhe të dukemi më mirë. Nuk mjafton të veprosh dhe vendosësh.
Kosova ka nevojë për program të duhur. Për veprime dhe vendime të drejta. Për rezultate konkrete. Vendime që e ndryshojnë realisht jetën e qytetarëve. Që e bëjnë Kosovën atdhe të jetueshëm për secilin.
Dhe rezultate kemi, aty ku kishim pak hapësirë dhe mundësi. Sepse patëm ide dhe program. Patëm 100% guxim, dije dhe përkushtim. Vendosëm dhe vepruam drejtë, për interes të qytetarëve, përtej egove personale dhe partiake.
Ligji i Prishtinës, Kthimi i Pallatit të rinisë prishtinasve, Ligji për masat mbrojtëse në importe që hapi rrugë për taksën, Ligji për efiçiencë të energjisë që mundësoi themelimin e Fondit për Efiçiencë, Ligji për mbrojtjen e konsumatorit (flamujt), Ligji për pagat, Platforma për dialogun që pamundësoi ndarjen e Kosovës, largimi i Listës “Srpska” nga vendimmarrja, Ligji për ushtrinë. Gjithë këto janë tashmë realitet si rezultat i politikës sonë.
Tash është koha për Fond Zhvillimor, kapacitete të reja energjetike, sigurime shoqërore, arsim të digjitalizuar etj.
Më 6 tetor, bashkë. Me 100% zotim, me tërë kapacitetet e mia profesionale dhe përvojën time politike”./Telegrafi/
Lufta Prigozhin - Putin
Më shumëTeknologjia e vijës së portës ka analizuar golin në El Clasico, është konfirmuar se ishte apo nuk ishte
Rënia e një prej më të mirëve në botë – e larguan nga klubi në ditën e dasmës, tani stërvitet me amatorë
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
U hodh në gjyq, Olsi Bylyku "godet" Top Channel: Ikonat si Arbana, Alban Dudushi iu larguan - gjersa kolegët në TV Klan kanë ndërtuar perandori
Një takim mes Massimilianos dhe Heidit në Big Brother VIP Albania 3? Veprimi i ish-partnerit të saj në Grande Fratello ngre dyshimet
FSK zgjedh ushtarin më të mirë për vitin 2024
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre