Në Shtetet e Bashkuara do të del së shpejti në shitje një makinë e pazakontë, që është prodhuar nga Elio Motors.
Për një kohë të gjatë kjo që është cilësuar si motoçikletë nga qeveria, ka qenë e ndaluar të del në publik shkaku i formës që ka.
Por, tani i është dhënë drita e gjelbër ‘autoçikletës’ që të del në shitje, transmeton Telegrafi.
Makina bizare që ka vend vetëm për shoferin dhe një udhëtar, në pjesën e përparme i ka dy rrotë të shkëputura si dhe një rrotë të madhe në pjesën e pasme.
Me madhësi sa Honda Fit, por me peshë vetëm 570 kilogram, kjo makinë mund të lëvizë për 135 kilometra me një gallon, apo 3.7-litra.
Me shpejtësi makimale 160 km/h, shpejtësinë nga zero deri në 100 kilometra në orë e arrin për 9.6-sekonda.
Të interesuarit që duan ta kenë këtë makinë, që thuhet se shpenzon dhe lëshon shumë pak ndotje, ndërsa është tepër efikase, duhet të paguajnë shtatëmijë dollarë. /Telegrafi/
