Scamacca i dërgon sinjale dashurie Romës: Zemra nuk mund të kontrollohet

Gianluca Scamacca është objektivi kryesor i Romës për repartin e sulmit.

Giallorosët duan ta rikthejnë në shtëpi sulmuesin italian, i cili sezonin e fundit ishte pjesë e West Hamit në Angli.

Përkundër se ka një marrëveshje mes Romës dhe lojtarit, klubi italian vazhdon bisedimet me West Hamin për të gjetur një marrëveshje ku Roma e kërkon si huazim me mundësi blerje, derisa londinezët duan ta shtojnë opsionin detyrim blerje.

Lexo po ashtu Roma shumë afër t'i sigurojë shërbimet e Gianlucca Scamaccas

Sulmuesi italian ka dhënë një intervistë duke folur për largimin nga Roma në moshë të re, por edhe ndryshimin e ngjyrave ku nga akademia e Lazios iu bashkua Giallorosëve.

“Ndryshimi nga Lazio te Roma ishte i domosdoshëm. Në fund të fundit zemra nuk mund të kontrollohet pasi unë jam një tifoz i Romës. E shija gjatë gjithë kohës Tottin pasi është një idhull për mua”, ka deklaruar Scamacca.

Lexo po ashtu Milani ofron Origin te West Hami për Scamaccan

Në mediat italiane po cilësohet si një sinjal dashurie i dërguar nga Scamacca në drejtim të Romës për të përshpejtuar për transferimin e tij.

Gjithsesi kjo javë pritet të jetë vendimtare për të ardhmen e sulmuesit italian. /Telegrafi/