Sarah Harding humb luftën me kancerin, ndërron jetë këngëtarja e Girls Aloud

Ylli i grupit “Girls Aloud”, Sarah Harding, ka ndërruar jetë në moshën 39-vjeçare. Lajmin e ka bërë të ditur nëna e saj.

Në gusht të vitit 2020, këngëtarja kishte njoftuar se ishte diagnostikuar me kancer të gjinjve në fazë të avancuar, duke treguar se sëmundja është përhapur (metastaza) në pjesë të tjera të trupit.

“Me zemër të thyer po e shpërndaj lajmin se vajza ime e bukur Sarah ka ndërruar jetë. Shumë nga ju e dini për luftën e Sarh me kancerin dhe ajo ka luftuar fuqishëm që nga diagnostikimi deri në ditën e fundit”.

View this post on Instagram

A post shared by Sarah Harding (@sarahnicoleharding)

“Ajo u largua qetësisht këtë mëngjes. Dua t’i falënderoj të gjithë për mbështetjen përgjatë vitit. Kishte shumë rendësi për Sarah dhe i ka dhënë shumë forcë dhe rehati kur e dinte se e donin”.

“E di se ajo nuk do të dëshironte të mbahej mend për luftën ndaj kësaj sëmundje të tmerrshme – ajo ishte një yll i ndritshëm dhe shpresoj që të mbahet mend si e tillë”, ka shkruar nëna e këngëtares në postimin e saj. /Telegrafi/

View this post on Instagram

A post shared by Sarah Harding (@sarahnicoleharding)