Samsung ka vazhduar me shpejtësi marramendëse me shpërndarjen e përditësimit të saj me Android 13 dhe One UI 5.0.

Reklama

Pasi telefoni pasardhës i tij, e kishte marrë përditësimin në mesin e muajit të kaluar, Xcover 5 tani gjithashtu ka filluar që ta marrë përditësimin e saj me Android 13 dhe ONE UI 5.0.

Paketa e përditësimit është në dispozicion për modelin SM-G525F në dhjetëra vende të Evropës, ndërsa përditësimi OTA përmban gjithashtu “arnime sigurie” për Android të nëntorit 2022, raporton GSM Arena, transmeton Telegrafi.

Galaxy X Cover 5 është një shtesë mjaft e pazakontë e linjës së fortë të Samsung që doli vitin e kaluar.

Reklama

Veçoria e saj kryesore është padyshim aftësia e saj për t’i mbijetuar një hedhje prej 1.5 metrave lartësi, e gjithashtu edhe zhytjes në ujë në thellësi prej 1 metër në kohëzgjatje prej 30 minutave.

Reklama

Është vlerësuar me IP68 dhe MIL-STD810H.

Përveç kësaj, ka një ekran LCD HD+ me madhësi prej 5.3 inçëve, çipin Exynos 850 me 4GB ram memorie dhe 64GB hapësirë të përgjithshme, një bateri 3000 mAh e zëvendësueshme nga përdoruesi dhe një kamerë kryesore 16MP që mund të dyfishohet si një skaner barkodi. /Telegrafi/