Salah vazhdon të shkruaj histori, vendos rekord të ri te Liverpooli

Mohamed Salah ka shtuar një rekord të ri në koleksionin e tij të madh të çmimeve të tij te Liverpooli, pasi u bë lojtari i parë që shënoi në nëntë ndeshje radhazi në historinë e klubit.

Reprezentuesi egjiptian shënoi golin hapës për Reds në Wanda Metropolitano në fitoren e tyre 3-2 të Ligës së Kampionëve ndaj Atletico Madrid, ndërsa vazhdoi të shënonte përsëri në pjesën e dytë nga pika e bardhë.

Golat e tij të fundit veçse konfirmojnë formën e lartë të Salah, i cili ka nisur një fillim sezoni më të mirin në karrierën e tij, me sulmuesin që është momentalisht shënuesi më i spikatur i sezonit 2021/22 në Anfield.

Lexo po ashtu Spektakli i pesë golave në ‘Wanda Metropolitano’ i takon Liverpoolit, Atletico Madridi nuk ia del me dhjetë lojtarë

Dy golat ndaj Atleticos e çojnë numrin e shënimeve të Salah në 12 në të gjitha garat gjatë sezonit deri më tani, seri e cila daton nga fundi i gushtit, kur ai konvertoi një penallti në barazimin 1-1 me Chelsea në Ligën Premier.

9 – Mohamed Salah has become the first player in @LFC history to score in nine consecutive matches for the club. Inevitable. pic.twitter.com/SRNNYCum5Q

— OptaJoe (@OptaJoe) October 19, 2021

Që nga ai gol, ai ka gjetur rrjetën në çdo paraqitje të mëvonshme, me shënime kundër Leeds United, Milan, Crystal Palace, Brentford, Porto, Manchester City dhe Watford.

E vetmja lojë që Liverpooli ka luajtur në periudhën kur nuk ka shënuar ishte ndeshja e tyre në Carabao Cup me Norwich, por ai nuk ishte pjesë e ekipit. /Telegrafi/