Salah shkruan historinë te Liverpooli pas golit ndaj Newcastle, askush si egjiptiani në Ligën Premier

Mohamed Salah ka bërë më shumë histori të Liverpool, pasi egjiptiani është bërë lojtari i parë që shënoi 20 gola për Reds në tre sezone të ndryshme në Ligën Premier.

Anfield është hijeshuar nga një numër i madh talentësh sulmues ndër vite, nga Robbie Fowler te Luis Suarez dhe Fernando Torres, por askush nuk mund të pretendojë të ketë arritur rekordin e një ylli të së tashmes.

Salah ka qenë një model i qëndrueshmërisë gjatë gjithë kohës së tij në Liverpool, me standarde të jashtëzakonshme të mbajtura në atë që ka qenë një provë e sezonit 2020-21 për ekipin e Jurgen Klopp.

2017/18 | 3⃣2⃣
2018/19 | 2⃣2⃣
2019/20 | 1⃣9⃣
2020/21 | 2⃣0⃣*⃣@MoSalah is the first player in our history to score 20+ in three @premierleague seasons 👏⚽️ pic.twitter.com/GkvZUCW0pi

— Liverpool FC (@LFC) April 24, 2021

Ylli egjiptian ka shkruar historinë me Reds pas golit të shënuar sot (e shtunë) në ndeshjen e Ligës Premier ndaj Newcastle, e cila përfundoi baras 1-1.

Me këtë gol, Salah arrin në kuotën e 20 golave këtë sezon në Ligën Premier, duke u bërë lojtari i parë i Liverpoolit që e arrin një gjë të tillë në tri sezone të ndryshme.

Mohamed Salah has become the first Liverpool player to score 20 or more goals in three different Premier League seasons 🇪🇬👑 pic.twitter.com/CLC7sbBnBQ

— GOAL (@goal) April 24, 2021

Ndryshe, Salah u transferua nga Roma në verën e 2017 dhe regjistroi 44 gola në të gjitha garat në sezonin e tij debutues me Reds, ku 32 erdhën në Ligën Premier, e cila ishte e mjaftueshme për të siguruar një Këpucë të Artë.

Ky çmim u fitua përsëri sezonin e ardhshëm, me Salah që kishte 22 gola, po aq sa Sadio Mane dhe Pierre-Emerick Aubameyang në krye të listës së realizatorëve.

Në total, sulmuesi egjiptian ka shënuar 123 gola për Liverpool në 198 paraqitje. /Telegrafi/