Salah po kërkon nga Liverpooli t’i plotësojnë një ‘kërkesë të çmendur’ nëse duan që ai të qëndrojë

Detaje nga kërkesat e Mohamed Salah për t’u futur në negociata të reja me Liverpoolin për rinovimin e kontratës tashmë janë zbuluar.

Kontrata e Salah me gjigantin anglez pritet të skadojë në fund të sezonit 2024/2025, që do të thotë se ai po futet në muajt e tij të fundit të qëndrimit në klub.

Sulmuesi egjiptian ka qenë lojtari kryesor i suksesit të Liverpoolit këtë sezon, duke shënuar shtatë gola dhe duke dhuruar gjashtë asistime në 11 ndeshje deri më tani.

Me këtë në mendje, Liverpooli do të jetë i etur që të sigurojë të ardhmen e tij në klub sa më shpejt që të jetë e mundur dhe tani, disa detaje nga kërkesat e Salah raportohet se janë zbuluar.

Sipas Football Insider, Salah po kërkon një kontratë e cila do ta mbajë atë tek Liverpooli deri në verën e vitit 2027, atëherë kur do të jetë 35-vjeçar.

Ky lajm vjen nga raportimi i Gabriel Agbonlahor se Salah është pajtuar me kushtet personale me një klub nga Arabia Saudite, që i ka ofruar atij një ‘mega kontratë’.

Sidoqoftë, burimet kanë zbuluar se Liverpooli ‘nuk janë të shqetësuar’ për këto lajme dhe besojnë që do të mbeten në një pozitë të favorshme për t’i ofruar një kontratë të re.

‘Të Kuqtë’ besojnë se preferenca e Salah është që të qëndrojë në Angli tek Liverpooli, aty ku u transferua në verën e vitit 2017 nga Roma./Telegrafi/