“Salah është lojtari më i mirë në historinë e Ligës Premier”, ish-ylli i Arsenalit dhe Chelseat vlerëson lart egjiptianin

Prezantuesi i TalkSPORT, Darren Bent beson se Mohamed Salah do të jetë një legjendë më e madhe në Ligën Premier se Cristiano Ronaldo. Bent diskutoi ndikimin e Salah me legjendën e Arsenalit, Emmanuel Petit, i cili vlerësoi yllin e Liverpool si një nga më të mirët që ka luajtur ndonjëherë në ligë.

Salah, kontrata e të cilit skadon në verë, ka qenë në formë të bujshme, duke shënuar 27 gola dhe duke dhënë 19 asistime në vetëm 35 ndeshje këtë sezon.

Me 345 përfshirje në gola në 384 ndeshje për Liverpoolin, trashëgimia e tij në Anfield është e pamohueshme dhe Petit e përshkroi atë si “të mahnitshëm”.

Lexo po ashtu Henry, Carragher dhe Richards, të gjithë bien dakord se kush do ta fitojë Topin e Artë 2025

“Ai ka fituar gjithçka me Liverpoolin, dhe edhe nëse nuk jeni tifoz, ai është një kënaqësi për t’u parë. Më pëlqen gjithçka rreth tij. Për mua, ai është më i miri në historinë e Ligës Premier”, ka thënë Petit.

Bent pranoi, duke shtuar, “Unë mendoj se ai është një nga më të mëdhenjtë në historinë e Ligës Premier. Shifrat e tij flasin vetë. Natyrisht, ai nuk është në krye të listës sime sepse është Thierry Henry, por nëse unë jam duke ndërtuar një ekip të të gjitha kohërave në Ligën Premier, Salah është zgjedhja ime për krahun e djathtë. Edhe nëse doni të hidhni Ronaldon, në termat e Ligës Premioer, Salah është më i mirë”.

Karriera e jashtëzakonshme e Salah i ka fituar atij admirim universal dhe Petit beson se ai do të mbahet mend me dashuri.

“Në 20 vjet, njerëzit do të flasin për të si një nga lojtarët më të mëdhenj në historinë e Ligës Premier”, përfundoi francezi Petit.

Salah do të luajë tjetër kur Liverpooli të përballet me Ëolves të dielën, me Reds që kryesojnë Ligën Premier me shtatë pikë epërsi ndaj Arsenalit. /Telegrafi/