Saktësisht 11 vite më parë: Ovrebo vazhdon të ‘gjykohet’ për referimin në ndeshjen Chelsea – Barcelona në Ligën e Kampionëve

Janë mbushur sot 11 vite nga referimi skandaloz në histori të Ligës së Kampionëve.

Chelsea kishte barazuar 1-1 me Barcelonën më 6maj të vitit 2009 në Stamford Bridge, derisa i kishte të gjitha: golat të bukur, karton të kuq, shumë nervozizëm dhe natyrisht, referimi më skandaloz në histori të futbollit.

Të gjithë, këtu edhe Chelsea ishin kundër referimit skandaloz të Tom Henning Ovrebo që mori disa vendime kontroverse.

Skuadra nga Liga Premier kishte kërkuar së paku dy, ndoshta edhe tri penallti nga gjyqtari norvegjez.

Pasi ndeshja e parë në Camp Nou kishte përfunduar 0-0, Chelsea kaloi në epërsi në Londër me një gol të bukur nga Michael Essien që lëshoi një volej me këmbën e tij të majtë.

Djelmoshave të Guss Hiddink më pas iu mohuan disa penallti, të cilat nuk u konsideruar nga Overbo, e më pas Andres Iniesta shënoi golin e barazimit, duke bërë që Barcelona të kalonte në finalen e Ligës së Kampionëve.

Didier Drogba më pas e kishte humbur kontrollin, duke e quajtur ndeshje si: “Është një turp, është një turp”.

Dhe, kur i shikoni rastet në atë ndeshje të zhvilluar, i kuptoni gabimet që i kishte bërë Ovrebo, që më pas kishte marrë qindra kërcënime nga mbështetësit e Chelseat.

Ish-gjyqtari kishte zbuluar në pensionim për atë çfarë kishte ndodhur në Stamford Bridge, duke thënë se nga një gjyqtar i nderuar, ishte bërë në një budalla.

“Do të dëshiroja që në atë ditë të kishte VAR”, ka thënë Ovrebo për Panenka magazinë.

“Pas pjesë së parë, asistenti im dhe unë besuam se e kishim ndeshjen nën kontroll. Në fund të ndeshje, unë nuk e ndjeja më atë”.

“Kur shkova në zhveshtore: Në rregull, Tom Henning, kjo nuk ishte nata jote më e mirë”.

“E pranoj se brenda ishte duke u djegur. Në zhveshtore e kuptova se çfarë ndeshje kontroverse kishte qenë”.

“Në një hapësirë prej dy orësh, nga një njeri i respektuar, u bëra një idiot në futbollin ndërkombëtar. Ata na futën ne në një makinë të policisë për të na dërguar ne në shtëpi, pasi situata ishte shumë e tensionuar”.

“Kërcënimet me vdekje më erdhën për vite me radhë, madje edhe në rrugë kur disa tifozë të Chelseat më njohin, ata më fyejnë, por ky është futboll dhe njerëzit gabojnë”, ka shtuar më tej ai.

11 vite më pas, nuk mund të thuhet se tifozët e Chelseat, por edhe futbolldashësit e tjerë (përveç atyre të Barcelonës) e kanë falur Ovrebon. /Telegrafi/

The worst refereeing display ever! 😡 https://t.co/CinnpK3knc

— Best of Football (@BestofFootball8) May 6, 2020