LAJMI I FUNDIT:

Sa po e luftojmë COVID-19?

Sa po e luftojmë COVID-19?

Ndërkohë që vendi po ballafaqohet me pandeminë, shpreh mirënjohje për të gjithë personelin mjekësor dhe të gjithë ata që janë në mbështetje të tyre. Poashtu, ju bëj thirrje që të qëndroni në shtëpi, me durim, kujdes, higjienë maksimale, ushqim të shëndetshëm dhe mendoni pozitivisht për të parandaluar rrezikun e përhapjes së këtij virusi ende të panjohur mirë

Ass.dr.Merita Emini Sadiku, PhD

▪ Qasja dhe përkushtimi i epidemiologëve të Institutit të Shëndetit Publik të Kosovës, infektologëve dhe e gjithë mjekëve e infermierëve të të gjitha niveleve të sistemit shëndetësorë është për t’u admiruar!

▪ Ministria e Shëndetësisë dhe Ministritë tjera në nivel qeveritarë po implementojnë praktikat më të mira për ta ndërpre shtrirjen e kontagjiozitetit dhe masat tjera për të mos pësuar nga ndërprerja e aktiviteteve ditore normale në shkolla, Universitete, etj.

▪ Mediet si asnjëherë më parë po i filtrojnë mirë lajmet para se të plasohen në platformat e tyre, duke ndikuar pozitivisht në orientimin e popullatës kah opinioni i mjekut dhe institucionet e thirrura për këtë punë!

▪ Kurrë më shumë nuk ka qenë në zenit puna e stafit mjekësorë, gjë që ka ndikuar në rritjen e besimit dhe qetësimin e popullatës njëkohësit!

Pa panik, por me kujdes:

▪ Infeksioni me COVID-19 është si gripi POR kontagioziteti apo ngjitja e infeksionin nga njëri te tjetri është më e madhe dhe prandaj rëndësia e ndërprerjes se shpejt me distancim social është vitale për popullatën.

▪ Personat me COVID-19 edhe pa simptoma e shpërndajnë sëmundjen dhe ju duhet kohë mesatarisht 5-6 ditë për t’u shfaq simptomat. Këtu edhe qëndron rreziku i shpërndarjes shumë më të madhe të sëmundjes dhe për një vend si i joni me kushte të tilla shëndetësore mund të jetë në rrezik përballimi!

▪ Nevoja për hospitalizim në krahasim me gripin është më e madhe, prandaj sa më pak shpërndahet, rreziku është më i vogël!

▪ Moshat e shtyra, mbi 65 vjet si dhe ata me sëmundje kronike (sëmundjet kardiovaskulare, respiratore, diabeti etj.), kanë vdekshmëri më të lartë sepse sistemi imunitar është më i dobësuar tek ta. Prandaj, distancimi social është vital për ta shmangur rrezikun!

▪ Fëmijët nuk po sëmuren, por kujdes, janë shpërndarës infeksioni, prandaj mbajini të distancuar!

▪ Ulja e frekuencës së rasteve të reja është një indikator fenomenal për ecuri të mirë, sensibilizim dhe mobilizim mbarëkombëtarë

▪ Ju lutem, mos i fshihni simptomat, por lajmërohuni për testim. Jemi me fat që testi bëhet brenda 4 orëve (faktorë që ndikon në efikasitet) gjë që na dallon edhe nga disa vende shumë më të zhvilluara se Kosova e që për rezultat pacientët duhet të presin me ditë.

Kujdes, durim, pa panik, informohuni nga institucionet, rrini në shtëpi! /Telegrafi/

Në trend Shëndetësi

Më shumë
Ngritja e bilirubinës në gjak: Çfarë do të thotë dhe si ndihmohet?

Ngritja e bilirubinës në gjak: Çfarë do të thotë dhe si ndihmohet?

Shëndetësi
Kalo në kategori