Studimi i fundit i Asociacionit Gallup International në mbarë globin ku merr pjesë edhe Kosova dhe Shqipëria përmes Kantar TNS Index Kosova, anëtare e këtij asociacioni, nxjerr në pah se optimizmi vazhdon të mbretërojë në botë, megjithatë pesimizmi është në rritje.
Sipas një publikimi, përcjell Telegrafi – studimi i fundvitit i Asociacionit Gallup International regjistron një paradoks: njerëzit që jetojnë në vende më të pasura kanë tendencë të jenë më pesimistë për vitin e ardhshëm dhe e kundërta.
Megjithatë, ka indikatorë që tregojnë se në fakt optimizmi i qytetarëve është më tepër i lidhur me ndryshimet ekonomike dhe politike në vend, sesa me vetë gjendjen aktuale të vendit dhe shembulli më i mirë për këtë është Kosova.
“Kosova në periudhat më të vështira ekonomike dhe politike, për disa vite rresht ishte shteti më optimist në botë, ku 90% e popullatës konsideronin se viti i ardhshëm do të jetë më i mirë se viti paraprak, përderisa sot vetëm 51% e popullatës pajtohen me këtë deklaratë”, thuhet në publikim.
Në fakt, siç shtohet tutje, niveli i optimizmit në Kosovë tre vitet e fundit ka ngelur në pozitë të njëjtë, që tregon se siç duket popullata ka arritur një ‘komoditet’ të përgjithshëm, ‘jo aq keq sa për t’u ankuar dhe jo aq mirë sa të shfaqim entuziazëm’.
“Në këtë trend konstant ka ndikuar sigurisht edhe fakti që në vend nuk ka pasur ndryshime tunduese viteve të fundit për të lëvizur trendin e shpresës, siç ishte bllokimi institucional në vitin 2014, por as zhvillime signifikante pēr të shfaqur entuziazëm”.
Në anën tjetër, vihet në pah se, edhe pse është matur vetëm në tri vitet e fundit, trendi i nivelit të optimizmit në Shqipëri ka ngritje të vazhdueshme që nga viti 2016, i cili rezultat mund t’i atribuohet zhvillimeve ekonomike në Shqipēri, si dhe gatishmërisë së perceptuar së udhëheqësisë së Shqipërisē në adresimin e problemeve.
“Shpresa se 2019-ta do të jetë vit më i mirë se viti 2018 është në ngritje në Afrikë (pavarësisht kushteve të jetesës), në Indi, në mesin e shteteve të Evropës që nuk janë në BE, në SHBA dhe Amerikën Latine, përderisa pesimizmi vazhdon ngritje evidente në shtetet e Lindjes së Mesme, Rusi dhe në pjesën më të madhe të Evropës Perëndimore”.
“Banorët e Bashkimit Evropian dhe Rusisë vazhdojnë të jenë akoma më pesimistë, përderisa banorët e SHBA-së nuk kanë qenë më optimistë sesa këtë vit në dekadën e fundit, ku faktor kyç mund të konsiderohet performanca e ekonomisë Amerikane”, vlerësohet në publikim.
Studimi i fundit i Gallup International (EoY) është traditë vjetore e inicuar dhe disenjuar nga udhëheqësia e Dr. George Gallup në vitin 1977. Që nga ky vit, studimi realizohet një herë në vit.
Bëhet e ditur se këtë vit u realizua nga Asociacioni Gallup International në partneritet me WIN në 55 shtete të botës.
Në Kosovë dhe Shqipëri studimi u realizua nga Kantar TNS Index Kosova dhe Be Research.
Gjithsejtë 48,745 individ në mbarë botën u intervistuan. Secili shtet u përfaqësua me mostër reprezentative me rreth 1000 të intervistuar ballë për ballë (27 shtete; n=28,063), përmes telefonit (7 shtete; n=5,922) apo online (16 shtete; n=14,760). Mbledhja e të dhënave në terren u realizua gjatë muajve tetor-dhjetor 2018.
Vlerësohet se margjina e gabimit për këtë studim është 3-5% në nivel të besueshmërisë 95%. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Statuja e re e Tony Blair së shpejti në Ferizaj
FSK përforcon kapacitetet me trajnimin e kontrollit të turmave në bashkëpunim me Karabinierët italianë
“Deri kur?”, Shqiprim Arifi dënohet nga Gjykata e Vranjës me rreth 500 euro për vendosjen e flamurit kombëtar në selinë e partisë
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Kurti: Zëvendësdrejtori i policisë që u ndalua dje nga Serbia, është dërguar në Rashkë
Lirohen policët e ndaluar në Serbi, përveq zv.drejtorit Jankoviq
Kryetari i Dhomës së Përfaqësuesve, Johnson: Putini mund të synojë Ballkanin, nëse lejohet
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Shpërthen një granatë dore në oborrin e një shtëpie në Zveçan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin