Rusia ia kthen Prigozhinit 10 miliardë rubla dhe pesë shufra me flori

Autoritetet ruse i kanë kthyer 10 miliardë rubla (100 milionë euro) shefit të Wagner, Yevgeny Prigozhin, i cili aktualisht ndodhet në mërgim.

Këto janë para që u kapën në bastisjet e policisë gjatë kryengritjes së armatosur të Wagnerit muajin e kaluar, transmeton Telegrafi.

Në Shën Petersburg, policia sekuestroi një shumë të madhe parash, si dhe pesë shufra ari, gjatë një bastisjeje në pronat e lidhura me Prigozhin.

Lexo po ashtu SBU-ja ukrainase arreston agjentin rus që kishte për qëllim të zbulojë pozicionet e ushtarëve të Zelenskyt  

Bastisjet u kryen si pjesë e hetimit për rebelimin e liderit të Wagner. Kujtojmë se presidenti rus Vladimir Putin përfundimisht pranoi të hiqte akuzat, në këmbim të shefit të mercenarëve që të hiqte dorë nga rebelimi dhe të shkonte në Bjellorusinë fqinje.

Sipas medias së pavarur ruse Fontanka, policia gjeti paratë dhe arin, të vlerësuara në “disa tonelata”.

Paratë dhe ari iu dorëzuan shoferit të Prigozhin, ndërsa vetë Prigozhin mori pjesë në një takim me dyer të mbyllura në Moskë të dielën.

Lexo po ashtu Komandanti i ushtrisë britanike: Rusia ka humbur gjysmën e aftësive luftarake në Ukrainë, është një dështim katastrofik për Moskën

Ndërsa pjesëtarët e Wagner marshuan në kryeqytetin rus, bosi i grupit mercenar deklaroi se paratë e sekuestruara synonin të paguanin pagat e luftëtarëve të tij dhe të siguronin kompensim material për familjet e mercenarëve të vrarë.

Në raportet e para, policia sekuestroi 4 miliardë rubla nga një furgon i parkuar dhe më pas u sekuestruan 6 miliardë rubla të tjera, me këto kartëmonedha të paketuara në 80 kuti kartoni nga një furgon tjetër. /Telegrafi/