Rrjedhje masive të të dhënave nga Facebooku: Zbulohet numri i telefonit i Zuckerbergut

CEO i Facebookut, Mark Zuckerberg thuhet se ishte mes viktimave të një rrjedhje masive të të dhënave që, ndër të tjera, zbuloi numrat e tyre të telefonit.

Dje u njoftua se një bazë e madhe të dhënash që përmbanin 533 milionë përdorues mund të gjendet falas në internet, i cili më parë ishte vendosur në tregjet kriminale.

Lexo po ashtu Publikohen të dhënat personale dhe numrat e telefonave online, të 533 llogarive të Facebookut

Baza e të dhënave përfshin emrat, numrat e telefonit, datat e lindjes, postat elektronike dhe statuset martesore dhe, për ironi të fatit, edhe të dhënat e Zuckerbegut.

Regarding the #FacebookLeak, of the 533M people in the leak – the irony is that Mark Zuckerberg is regrettably included in the leak as well.

If journalists are struggling to get a statement from @facebook, maybe just give him a call, from the tel in the leak? 📞😂@GazTheJourno pic.twitter.com/lrqlwzFMjU

— Dave Walker (@Daviey) April 3, 2021

Studiuesi i sigurisë kibernetike Dave Walker shkroi se numri i Zuckerbergut u publikua dhe bëri shaka, “Nëse gazetarët po përpiqen të marrin një deklaratë nga Facebooku, ndoshta ata duhet thjesht ta telefonojnë këtë numër?”

Sipas The Sun, të dhënat personale të Chris Hughes dhe Dustin Moskovitz, bashkë-themelues i Facebook, gjithashtu u zbuluan.

Facebook u përpoq të minimizonte incidentin duke vërejtur se këto ishin të dhëna të gjetura në një rast të vjetër të shkeljes së sigurisë, megjithëse kjo nuk është e vërtetë. /Telegrafi/