Rritja e pagave në sektorin publik, miratohet ligji në Kuvendin e Shqipërisë

Kuvendi i Shqipërisë miratoi sot mes debateve me 95 vota pro, tre kundër, asnjë abstenim, projektligjin për rritjen e pagave të punonjësve të administratës, ku përfshihen edhe funksionarët e lartë shtetërorë, nga presidenti, te kryeministri, ministrat dhe deputetët. Pesë deputetë nuk morën pjesë në votim, edhe pse ishin në sallë.

Zbatimi do të nisë nga data 1 prill dhe mes 130 mijë punonjësve të administratës që përfitojnë, janë edhe funksionarët më të lartë shtetërorë, nga presidenti deri te deputetët e ministrat.

Lexo po ashtu Debat në Kuvend për rritjen e pagave të deputetëve, Rama: Unë do të votoj kundër, por një votë kam

Sa do të rriten pagat e funksionarëve më të lartë shtetërorë?

Paga më e lartë është ajo e Presidentit të Republikës, e cila shkon në 425 mijë lekë [3,787 euro] . Ajo është përcaktuar edhe si pagë referencë, që do të thotë që paraprin të gjithë hierarkinë e pagave për të gjitha pozicionet e tjera.

Dy funksionarët e tjerë më të paguar janë kryeministri dhe kryetari i Kuvendit, të cilët do të paguhen njëlloj, 393,125 lekë. Ministrat që janë edhe deputetë do të marrin rrogën më të madhe, që është vlerësuar ajo e ministrit, e cila shkon në 318,750 lekë. /Telegrafi/